លេខាគណៈកម្មាធិការបក្សខេត្ត Binh Phuoc អញ្ជើញទៅសួរសុខទុក្ខ ជូនពរឆ្នាំថ្មីនៅខេត្តក្រចេះ

លោកស្រី Ton Ngoc Hanh បានជូនពរលោក វ៉ា ថុន រួមទាំងថ្នាក់ដឹកនាំ និងប្រជាជនខេត្តក្រចេះ សូមជួបតែសេចក្តីសុខ  និងចម្រុងចម្រើនក្នុងឆ្នាំថ្មី។ លោកស្រីលេខាគណៈកម្មាធិការបក្សខេត្ត Binh Phuoc មានសេចក្តីសោមនស្សរីករាយ និងរំភើប ចំពោះការរីកចម្រើនគួរឱ្យកត់សម្គាល់ ដែលខេត្តក្រចេះសម្រេចបាននាពេលថ្មីៗនេះ។ ការអភិវឌ្ឍដ៏រឹងមាំនៃសេដ្ឋកិច្ច ហេដ្ឋារចនាសម្ព័ន្ធ រួមជាមួយនឹងសមិទ្ធិផលក្នុងវិស័យអប់រំ និងការថែទាំសុខភាព គឺជាភស្តុតាងច្បាស់លាស់នៃការដឹកនាំដ៏ឈ្លាសវៃរបស់រាជរដ្ឋាភិបាល និងការខិតខំប្រឹងប្រែងមិនចេះនឿយហត់របស់ប្រជាជនខេត្តក្រចេះ។

ជោគជ័យទាំងនេះមិនត្រឹមតែរួមចំណែកលើកកម្ពស់ជីវភាពរស់នៅរបស់ប្រជាជនប៉ុណ្ណោះទេ ថែមទាំងបង្កើតមូលដ្ឋានរឹងមាំសម្រាប់ទំនាក់ទំនងសហប្រតិបត្តិការដ៏ស៊ីជម្រៅរវាងខេត្ត Binh Phuoc និងខេត្តក្រចេះ ឆ្ពោះទៅរកការអភិវឌ្ឍ និងវិបុលភាពប្រកបដោយចីរភាព។

លោស្រី Ton Ngoc Hanh ជូនពរថ្នាក់ដឹកនាំ និងប្រជាជនខេត្តក្រចេះក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ

លោក វ៉ា ថុន អភិបាលខេត្តក្រចេះ បានសម្តែងនូវសេចក្តីសោមនស្សរីករាយ ដែលបានទទួលស្វាគមន៍គណៈប្រតិភូខេត្ត Binh Phuoc មកសួរសុខទុក្ខ និងជូនរពរថ្មី

លោកស្រី Ton Ngoc Hanh សង្ឃឹមថា នាពេលខាងមុខ ខេត្តក្រចេះ និងខេត្ត Binh Phuoc នឹងបន្តពង្រឹងកិច្ចសហប្រតិបត្តិការលើគ្រប់វិស័យ​ ធានាសន្តិសុខសណ្តាប់ធ្នាប់នៅតាមតំបន់ព្រំដែន ព្រមទាំងគាំទ្រខេត្ត Binh Phuoc ក្នុងការស្វែងរក និងប្រមូលអដ្ឋិធាតុយុទ្ធជនពលី បង្កើតលក្ខខណ្ឌអំណោយផលសម្រាប់សហគមន៍ប្រជាជនដើមកំណើតវៀតណាមដែលរស់នៅក្នុងខេត្តមានស្ថិរភាពក្នុងជីវភាពរស់នៅប្រចាំថ្ងៃ។ អាស្រ័យហេតុនេះ រួមចំណែកលើកកម្ពស់ទំនាក់ទំនងសន្តិភាព មិត្តភាព និងស្ថិរភាព ដើម្បីការអភិវឌ្ឍ រីកចម្រើនរបស់ប្រជាជននៃខេត្តទាំងពីរនិយាយដោយឡែក និងវៀតណាម និងកម្ពុជានិយាយរួម។

ថ្នាក់ដឹកនាំខេត្តទាំងពីរថតរូបអនុស្សាវរីយ៍

ក្នុងឱកាសនេះ លោក វ៉ា ថុន បានបញ្ជាក់ថា ទំនាក់ទំនងមិត្តភាពដ៏ល្អរវាងខេត្តទាំងពីរនាពេលថ្មីៗនេះត្រូវបានពង្រឹង និងពង្រីកដោយឥតឈប់ឈរ។ នាពេលខាងមុខ ខេត្តទាំងពីរនឹងបន្តសហការគ្នាក្នុងរក្សា ជំរុញ និងពង្រឹងកិច្ចសហប្រតិបត្តិការ ដើម្បីជួយគាំទ្រដល់ការអភិវឌ្ឍន៍រួមគ្នាលើវិស័យជាច្រើន។ លោក វ៉ា ថុន បានថ្លែងអំណរគុណយ៉ាងជ្រាលជ្រៅចំពោះមនោសញ្ចេតនារបស់គណៈប្រតិភូខេត្ត Binh Phuoc ដែលជូនចំពោះប្រជាជនកម្ពុជានិយាយរួម និងខេត្តក្រចេះនិយាយដោយឡែក ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ៕

បកប្រែដោយ Duy Hoan