នាយកដ្ឋានអភិវឌ្ឍន៍ ក្រសួងការពារជាតិកម្ពុជា ជូនពរឆ្នាំថ្មីថ្នាក់ដឹកនាំគណៈកម្មាធិការប្រជាជនខេត្ត Ca Mau

នៅក្នុងជំនួប លោកឧត្តមសេនីយ៍ទោ អ៊ុក ហឿនពិសី បានថ្លែងអំណរគុណចំពោះថ្នាក់ដឹកនាំខេត្ត Ca Mau ដែលបានបង្កើតលក្ខខណ្ឌអំណោយផល និងផ្តល់ជំនួយហិរញ្ញវត្ថុដល់នាយកដ្ឋានអភិវឌ្ឍន៍ ក្រសួងការពារជាតិកម្ពុជា ដើម្បីសាងសង់កសិដ្ឋានចិញ្ចឹមសត្វ និងវារីវប្បកម្ម; សាងសង់ហេដ្ឋារចនាសម្ព័ន្ធដើម្បីតាំងបង្ហាញ និងណែនាំផលិតផលដែលផលិតដោយអង្គភាព។

គណៈប្រតិភូនាយកដ្ឋានអភិវឌ្ឍន៍ ក្រសួងការពារជាតិកម្ពុជា មកសួរសុខទុក្ខ និងជូនពរឆ្នាំថ្មីដល់បញ្ជាការដ្ឋានយោធាខេត្ត Ca Mau (រូបថត៖ camau.gov.vn)

លោកឧត្តមសេនីយ៍ទោ អ៊ុក ហឿនពិសី សង្ឃឹមថា នាពេលខាងមុខ នឹងបន្តទទួលបានការយកចិត្តទុកដាក់ និងជំនួយពីថ្នាក់ដឹកនាំខេត្ត Ca Mau ដើម្បីបញ្ចប់ហេដ្ឋារចនាសម្ព័ន្ធនាពេលឆាប់ៗ និងអញ្ជើញថ្នាក់ដឹកនាំខេត្ត Ca Mau ចូលរួមពិធីសម្ពោធទីស្នាក់ការថ្មី។

លោក Lam Van Bi អនុប្រធានគណៈកម្មាធិការប្រជាជនខេត្ត Ca Mau ផ្តល់អំណោយជូនលោកឧត្តមសេនីយ៍ទោ អ៊ុក ហឿនពិសី (រូបថត៖ camau.gov.vn)

ក្នុងនាមគណៈកម្មាធិការប្រជាជនខេត្ត លោក Lam Van Bi អនុប្រធានគណៈកម្មាធិការប្រជាជនខេត្ត Ca Mau បានស្វាគមន៍យ៉ាងសប្បាយរីករាយចំពោះគណៈប្រតិភូនាយកដ្ឋានអភិវឌ្ឍន៍ ដែលបានមកសួរសុខទុក្ខ និងជូនពរឆ្នាំថ្មី។ នេះបានក្លាយទៅជាសកម្មភាពប្រពៃណីរបស់នាយកដ្ឋានអភិវឌ្ឍន៍ ក្រសួងការពារជាតិកម្ពុជា ជាមួយខេត្ត Ca Mau និយាយដោយឡែក និងរបស់ប្រជាជាតិទាំងពីរ វៀតណាម-កម្ពុជា និយាយរួមរៀងរាល់រដូវផ្ការីក និងបុណ្យតេត។ តាមរយៈដំណើរទស្សនកិច្ចដ៏មានអត្ថន័យនេះ រួមចំណែករឹតបន្តឹងទំនាក់ទំនងរវាងនាយកដ្ឋានអភិវឌ្ឍន៍ ក្រសួងការពារជាតិកម្ពុជា និងអង្គភាពនៃយោធភូមិភាគទី៩ និងកងកម្លាំងប្រដាប់អាវុធ និងប្រជាជនខេត្ត Ca Mau ឲ្យកាន់តែជិតស្និទ្ធថែមទៀត។

លោក Lam Van Bi បានថ្លែងអំណរគុណចំពោះសារជូនពរឆ្នាំថ្មីរបស់គណៈប្រតិភូនាយកដ្ឋានអភិវឌ្ឍន៍ដែលបានផ្ញើជូនថ្នាក់ដឹកនាំខេត្ត និងប្រជាជនខេត្ត Ca Mau។ នេះជាការលើកទឹកចិត្តដ៏អស្ចារ្យ រួមចំណែកលើកទឹកចិត្តបន្ថែមទៀតសម្រាប់ខេត្ត Ca Mau បំពេញភារកិច្ចដែលបានកំណត់នៅឆ្នាំ២០២៥៕

បកប្រែដោយ Huyen Trang