រៀបចំការប្រកួតកីឡាអបអរសាទរខួបលើកទី ៨០ នៃការបង្កើតកងទ័ពប្រជាជនវៀតណាមនៅកម្ពុជា

លោក Nguyen Huy Tang ឯកអគ្គរដ្ឋទូតវៀតណាម ថ្លែងមតិក្នុងពិធីបិទការប្រកួតកីឡា (រូបថត៖ vnanet.vn)

ថ្លែងក្នុងពិធី លោកឯកអគ្គរដ្ឋទូត Nguyen Huy Tang លេខាគណៈកម្មាធិការបក្សប្រចាំនៅកម្ពុជា បានសង្កត់ធ្ងន់លើសារៈសំខាន់ដ៏ធំធេងនៃការបង្កើតកងទ័ពប្រជាជនវៀតណាមចំពោះប្រវត្តិសាស្ត្រប្រទេសវៀតណាម និងឲ្យដឹងថា ការរីកចម្រើន និងជ័យជំនះរបស់កងទ័ពប្រជាជនវៀតណាមតាំងពីដើមមក តែងតែត្រូវបានផ្សារភ្ជាប់ជាមួយនឹងជ័យជំនះដ៏អស្ចារ្យក្នុងបុព្វហេតុបដិវត្តន៍របស់ប្រទេសជាតិ។

កីឡាករប្រកួតវាយសី (រូបថត៖ vnannet.vn)

ក្រោមស្មារតីនោះ គណៈកម្មាធិការបក្សប្រចាំនៅកម្ពុជាបានរៀបចំការប្រកួតកីឡាដោយមានការចូលរួមពីកម្មាភិបាល បុគ្គលិក បក្ខជន និងមហាជននៃបក្សភាគប្រចាំនៅកម្ពុជា រួមទាំងសាខាបក្សស្ថានទូតវៀតណាម ស្ថាប័ននានាអមស្ថានទូតវៀតណាមប្រចាំនៅកម្ពុជា សមាគមនិស្សិតវៀតណាមនៅកម្ពុជា សហគ្រាសមួយចំនួនដូចជា ធនាគាកសិកម្ម និងអភិវឌ្ឍន៍ជនបទវៀតណាម (Agribank) នៅកម្ពុជា។ កម្មាភិបាល បក្ខជន នៃបក្សភាគប្រចាំនៅកម្ពុជាបានចូលរួមប្រកួតលើមុខវិញ្ញាសារចំនួន៣គឺ វាយសី វាយកូនបាល់ និងអុក។

កីឡាករប្រកួតអុក (រូបថត៖ vnannet.vn)

គណៈកម្មការរៀបចំពិធីប្រគល់រង្វាន់ និងមេដាយជូនបុគ្គល និងក្រុមដែលឈ្នះរង្វាន់ (រូបថត៖ vnannet.vn)

នាល្ងាចថ្ងៃទី ១៥ ខែធ្នូ ពិធីការប្រកួតកីឡាដើម្បីអបអរសាទរខួបលើកទី ៨០ នៃការបង្កើតកងទ័ពប្រជាជនវៀតណាមប្រចាំនៅកម្ពុជាបានប្រព្រឹត្តទៅនៅសាលប្រជុំស្ថានទូតវៀតណាមក្នុងរាជធានីភ្នំពេញ។ ក្នុងពិធីបិទ គណៈកម្មការរៀបចំបានប្រគល់រង្វាន់ និងមេដាយជូនបុគ្គល និងក្រុមឈ្នះរង្វាន់ នៅតាមវិញ្ញាសារនីមួយៗ។

បកប្រែដោយ Duy Hoan