ព្រះករុណា ព្រះបាទសម្តេចព្រះបរមនាថ នរោត្តម សីហមុនី បញ្ចប់ដោយជោគជ័យនូវព្រះរាជដំណើរទស្សនកិច្ចផ្លូវរដ្ឋនៅប្រទេសវៀតណាម

សូមរំលឹកថា នាព្រឹកថ្ងៃទី ២៩ ខែវិច្ឆិកា លោក Luong Cuong ប្រធានរដ្ឋ និងព្រះករុណា ព្រះបាទសម្តេចព្រះបរមនាថ នរោត្តម សីហមុនី បានយាងទៅទស្សនាកេរិ៍្តដំណែលជាតិពិសេស Van Mieu-Quoc Tu Giam (ខ័ណ្ឌ Dong Da ទីក្រុងហាណូយ) និងពិសាតែវៀតណាម។ នាព្រឹកថ្ងៃទី ២៩ ខែវិច្ឆិកា ព្រះករុណា ព្រះបាទសម្តេចព្រះបរមនាថ នរោត្តម សីហមុនី បានយាងទៅវត្ត Quan Su នៅខ័ណ្ឌ Hoan Kiem ទីក្រុងហាណូយ។

លោក Luong Cuong ប្រធានរដ្ឋវៀតណាម ទទួលជួបព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា (រូបថត៖ vnanet.vn)

ក្នុងក្របខ័ណ្ឌនៃព្រះរាជដំណើរទស្សនកិច្ចផ្លូវរដ្ឋនៅវៀតណាម លោក To Lam អគ្គលេខាបក្ស បានទទួលជួបព្រះរាជសវនាការ; លោក Luong Cuong ប្រធានរដ្ឋ បានអញ្ជើញជាអធិបតីក្នុងពិធីទទួលព្រះរាជបដិសណ្ឋារកិច្ច និងព្រះរាជពិធីលៀងសាយភោជន៍ជូនព្រះបាទសម្តេចព្រះបរមនាថ នរោត្តម សីហមុនី និងគណៈប្រតិភូជាន់ខ្ពស់កម្ពុជា។ លោក Pham Minh Chinh នាយករដ្ឋមន្ត្រីវៀតណាម និងលោក Tran Thanh Man ប្រធានរដ្ឋសភាវៀតណាម បានទទួលជួបព្រះរាជសវនាការព្រះករុណា ព្រះបាទសម្តេចព្រះបរមនាថ នរោត្តម សីហមុនី។

នៅទីក្រុងហាណូយ ព្រះករុណា ព្រះបាទសម្តេចព្រះបរមនាថ នរោត្តម សីហមុនី បានយាងដាក់កម្រងផ្កានៅវិមានរំលឹកវិញ្ញាណក្ខន្ធវីរជនពលី និងយាងដាក់កម្រងផ្កា និងចូលគោរពវិញ្ញាណក្ខន្ធលោកប្រធានហូជីមិញ៕

បកប្រែដោយ Thuy Anh