លោក Luong Cuong ប្រធានរដ្ឋវៀតណាម អញ្ជើញជាអធិបតីក្នុងព្រះរាជពិធីលៀងសាយភោជន៍ជូនព្រះមហាក្សត្រនៃព្រះរាជាណាចក្រកម្ពុជា

ដោយទទួលស្វាគមន៍យ៉ាងកក់ក្តៅចំពោះព្រះមហាក្សត្រ និងគណៈប្រតិភូជាន់ខ្ពស់នៃព្រះរាជាណាចក្រកម្ពុជាយាងបំពេញព្រះរាជដំណើរទស្សនកិច្ចផ្លូវរដ្ឋនៅប្រទេសវៀតណាម លោកប្រធានរដ្ឋ Luong Cuong មានសេចក្តីសោមនស្សរីករាយដោយកត់សម្គាល់ថា ក្នុងរយៈពេលថ្មីៗនេះ ទំនាក់ទំនងមិត្តភាព និងកិច្ចសហប្រតិបត្តិការលើគ្រប់វិស័យរវាងប្រទេសទាំងពីរត្រូវបានពង្រឹង និងអភិវឌ្ឍយ៉ាងខ្លាំង។

លោកប្រធានរដ្ឋ Luong Cuong បានសង្កត់ធ្ងន់ថា សកម្មភាពផ្លាស់ប្តូរគណៈប្រតិភូរវាងប្រទេសទាំងពីរប្រព្រឹត្តទៅជាប្រចាំ; កិច្ចសហប្រតិបត្តិការការពារជាតិ និងសន្តិសុខត្រូវបានលើកកម្ពស់; សេដ្ឋកិច្ច ពាណិជ្ជកម្ម និងការវិនិយោគត្រូវបានពង្រឹង; ការអប់រំ - ការបណ្តុះបណ្តាល វប្បធម៍ ការថែទាំសុខភាព ការជួបប្រាស្រ័យរវាងប្រជាជ និងប្រជាជន... គឺកាន់តែសម្បូរបែប និងជាក់ស្តែង។

លោកប្រធានរដ្ឋ Luong Cuong និងព្រះករុណា ព្រះបាទសម្តេច ព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា (រូបថត៖ vnanet.vn)

លោកប្រធានរដ្ឋ Luong Cuong បានអះអាងថា ព្រះរាជដំណើរទស្សនកិច្ចផ្លូវរដ្ឋនៅប្រទេសវៀតណាម របស់ព្រះករុណា ព្រះបាទសម្តេច ព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាប្រភពលើកទឹកចិត្តដ៏ធំធេងសម្រាប់ការអភិវឌ្ឍន៍ទំនាក់ទំនងរវាងប្រទេសទាំងពីរ។ ពង្រឹងទំនាក់ទំនងអ្នកជិតខាងល្អរវាងវៀតណាម និងកម្ពុជា; ដើម្បីផលប្រយោជន៍ជាតិទាំងពីរ និងសុភមង្គលរបស់ប្រជាជននៃប្រទេសទាំងពីរ។ លោកប្រធានរដ្ឋវៀតណាមថ្វាយព្រះពរព្រះមហាក្សត្រ មានសុខភាពល្អ និងបន្តដឹកនាំប្រជាជនកម្ពុជា ឱ្យសម្រេចបាននូវសមិទ្ធិផលដ៏ធំធេង ក្នុងបុព្វហេតុកសាង និងអភិវឌ្ឍន៍ប្រទេសជាតិ។ ជឿជាក់ថា ចំណងសាមគ្គីភាពរវាងវៀតណាម និងកម្ពុជា បន្តជា “អ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងនិរន្តរភាពយូរអង្វែង”។

លោក Luong Cuong ប្រធានរដ្ឋវៀតណាម ថ្លែងសុន្ទរកថាស្វាគមន៍ (រូបថត៖ vnanet.vn)

ព្រះករុណា ព្រះបាទសម្តេច ព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា មានព្រះរាជបន្ទូល (រូបថត៖ vnanet.vn)

ព្រះករុណា ព្រះបាទសម្តេច ព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា មានព្រះរាជបន្ទួលថា ការដែលភាគីទាំងពីរបានផ្លាស់ប្តូរទស្សនកិច្ចថ្នាក់ខ្ពស់ជាប្រចាំបានរួមចំណែកពង្រឹង និងពង្រីកទំនាក់ទំនងមិត្តភាព និងសាមគ្គីភាពរវាងប្រទេសទាំងពីរ ក៏ដូចជាការបង្កើនកិច្ចសហប្រតិបត្តិការទ្វេភាគីលើគ្រប់វិស័យ ដើម្បីផលប្រយោជន៍រួមរបស់ប្រជាជននៃប្រទេសទាំងពីរ។

លោក Luong Cuong ប្រធានរដ្ឋវៀតណាម និងព្រះករុណា ព្រះបាទសម្តេច ព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា និង​ប្រតិភូទាំង​ឡាយ

ព្រះមហាក្សត្រមានព្រះរាជបន្ទូលសម្តែងការកោតសរសើរចំពោះជោគជ័យដ៏ធំធេងដែលវៀតណាមសម្រេចបានក្នុងរយៈពេលប៉ុន្មានឆ្នាំចុងក្រោយនេះ ដោយហេតុនេះបានជួយប្រទេសជាតិមានការអភិវឌ្ឍន៍យ៉ាងខ្លាំងក្លាលើគ្រប់វិស័យ។

ព្រះករុណា ព្រះបាទសម្តេច ព្រះបរមនាថ នរោត្តម សីហមុនី មានព្រះរាជបន្ទូលបញ្ជាក់ថា រដ្ឋាភិបាល និងប្រជាជនវៀតណាម គឺជាមិត្តល្អ តែងតែប្រកៀកស្មាជាមួយរាជរដ្ឋាភិបាល និងប្រជាជនកម្ពុជា ដើម្បីព្រះរាជាណាចក្រកម្ពុជា សម្រេចបានសមិទ្ធផលជាច្រើនលើគ្រប់វិស័យ៕

បកប្រែដោយ Duy Hoan