សម្ពោធដាក់ឱ្យប្រើប្រាស់សំណង់អគាររដ្ឋបាលថ្មីរបស់រដ្ឋសភាកម្ពុជាដែលជាអំណោយរបស់ប្រជាជនវៀតណាមជូនប្រជាជនកម្ពុជា

ថ្លែងមតិក្នុងពិធីសម្ពោធ តាងនាមថ្នាក់ដឹកនាំបក្ស និងរដ្ឋវៀតណាម ឯកឧត្តម Tran Thanh Man បានសម្តែងនូវកិត្តិយសដែលបានរួមជាមួយសម្តេចរដ្ឋសភាធិបតី ឃួន សុដារី ប្រធានរដ្ឋសភាកម្ពុជា អញ្ជើញសម្ពោធអគាររដ្ឋបាលថ្មីរបស់រដ្ឋសភាកម្ពុជា។ នេះជានិមិត្តរូបនៃចំណងសាមគ្គីភាព និងមិត្តភាពជាប្រពៃណីរវាងវៀតណាម និងកម្ពុជា ដែលជាអំណោយរបស់ បក្ស រដ្ឋ និងប្រជាជនវៀតណាមប្រជាជនវៀតណាមជូនប្រជាជនកម្ពុជា។ ឯកឧត្តមប្រធានរដ្ឋសភាវៀតណាម បានមានប្រសាសន៍ថា “ការសម្ពោធគម្រោងនេះ គឺជាសេចក្តីរីករាយរួមគ្នាសម្រាប់រដ្ឋសភា និងប្រជាជននៃប្រទេសទាំងពីរ។

ឯកឧត្តម Tran Thanh Man ប្រធានរដ្ឋសភាវៀតណាម  និងសម្តេចរដ្ឋសភាធិបតី ឃួន សុដារី ប្រធានរដ្ឋសភាកម្ពុជា កាត់ខ្សែបូសម្ពោធអគាររដ្ឋបាលថ្មីរបស់រដ្ឋសភាកម្ពុជា (រូបថត៖ vnanet.vn)

ឯកឧត្តម Tran Thanh Man ប្រធានរដ្ឋសភាវៀតណាម  និងសម្តេចរដ្ឋសភាធិបតី ឃួន សុដារី ប្រធានរដ្ឋសភាកម្ពុជា និងគណៈប្រតិភូបានថតរូបអនុស្សាវរីយ៍

វៀតណាម និងកម្ពុជា គឺជាប្រទេសជិតខាងទាំងពីរ ដែលមានទំនាក់ទំនងជាប្រពៃណី និងយូរអង្វែង ដែលត្រូវបានពូនជ្រំដោយថ្នាក់ដឹកនាំ និងប្រជាជននៃប្រទេសទាំងពីរ ហើយបានក្លាយជាទ្រព្យសម្បត្តិរួមមិនអាចកាត់ថ្លៃបានរបស់ប្រជាជនទាំងពីរ។ ទំនាក់ទំនងរវាងរដ្ឋសភាវៀតណាម និងរដ្ឋសភាកម្ពុជាបានអភិវឌ្ឍន៍យ៉ាងល្អប្រសើរលើកម្រិតទ្វេភាគី និងពហុភាគី ជាពិសេសបន្ទាប់ពីរដ្ឋសភាទាំងពីរបានចុះហត្ថលេខា និងអនុវត្តកិច្ចព្រមព្រៀងសហប្រតិបត្តិការឆ្នាំ ២០២២ រួមចំណែកយ៉ាងសកម្មក្នុងការអភិវឌ្ឍន៍ទំនាក់ទំនងរវាងប្រទេសទាំងពីរ។

ក្នុងឱកាសនេះ តាំងនាមបក្ស រដ្ឋ និងប្រជាជនវៀតណាម ឯកឧត្តម Tran Thanh Man បានថ្លែងអំណរគុណចំពោះរដ្ឋសភាកម្ពុជា សម្តេចរដ្ឋសភាធិបតី ឃួន សុដារី ប្រធានរដ្ឋសភាកម្ពុជា និងស្ថាប័ននៃប្រទេសទាំងពីរ ដែលបានសហការសម្របសម្រួលយ៉ាងជិតស្និទ្ធ និងប្រកបដោយប្រសិទ្ធភានៅក្នុងដំណើរការនៃការរចនា សាងសង់អគារដែលបំពេញតាមតម្រូវការនៃស្តង់ដារបច្ចេកទេស និងស្ថាបត្យកម្ម។ ឯកឧត្តម Tran Thanh Man បានសង្កត់ធ្ងន់ថា៖ “ការដែលអគារនេះត្រូវបានសម្ពោធដាក់ឱ្យប្រើប្រាស់ នឹងជួយឱ្យរដ្ឋសភាកម្ពុជាអនុវត្តមុខងារ និងភារកិច្ចរបស់ខ្លួនឱ្យកាន់តែប្រសើរឡើង ដើម្បីតំណាងឱ្យឆន្ទៈ និងសេចក្តីប្រាថ្នារបស់ប្រជាពលរដ្ឋ រួមចំណែកកសាងប្រទេសកម្ពុជាឱ្យកាន់តែរីកចម្រើន និងវិបុលភាព។ ជូនពរឱ្យទំនាក់ទំនងរវាងប្រទេសទាំងពីរ និងរដ្ឋសភានៃប្រទេសទាំងពីរត្រូវបានបន្តពង្រឹង និងអភិវឌ្ឍន៍យ៉ាងទូលំទូលាយ និងនិរន្តរភាព។

ថ្លែងក្នុងពិធីសម្ពោធនេះ ប្រធានរដ្ឋសភាកម្ពុជា សម្តេចរដ្ឋសភាធិបតី ឃួន សុដារី ប្រធានរដ្ឋសភាកម្ពុជា បានថ្លែងអំណរគុណយ៉ាងជ្រាលជ្រៅចំពោះបក្ស រដ្ឋ និងប្រជាជនវៀតណាម ដែលបានផ្តល់ជំនួយសាងសង់អគាររដ្ឋបាលថ្មី នៃរដ្ឋសាកម្ពុជា។ សម្តេចរដ្ឋសភាធិបតី ឃួន សុដារី ចែករំលែកថា៖ អគារដ៏ធំ និងស្រស់ស្អាតត្រូវបានសម្ពោធ និងដាក់ឱ្យប្រើប្រាស់ជាផ្លូវការ នេះជានិមិត្តរូបនៃចំណងមិត្តភាព និងសាមគ្គីភាព រវាងប្រទេសទាំងពីរ កម្ពុជា-វៀតណាម ដែលមានតាំងពីយូរយារណាស់មកហើយ ហើយក៏និមិត្តរូបនៃស្មារតី “ភាពជាអ្នកជិតខាងល្អ មិត្តភាពប្រពៃណី កិច្ចសហប្រតិបត្តិការលើគ្រប់វិស័យ និងនិរន្តរភាពយូរអង្វែង” នៃប្រទេសទាំងពីរ។

សម្តេចរដ្ឋសភាធិបតី ឃួន សុដារី បានមានប្រសាសន៍ថា អគាររដ្ឋបាលថ្មីនេះ បានបំពេញបន្ថែម និងបំពេញតម្រូវការជាក់ស្តែងរបស់រដ្ឋសភាកម្ពុជា ជាពិសេសបានរួមចំណែកដល់តម្រូវការសម្រាប់កំណែទម្រង់អភិបាលកិច្ច និងការអភិវឌ្ឍធនធានមនុស្ស សភាឌីជីថល និងការលើកកម្ពស់ប្រសិទ្ធភាពប្រតិបត្តិការរដ្ឋសភាកម្ពុជា…

បកប្រែដោយ​ Duy Hoan