យោធភូមិភាគទី ៧ កងទ័ពប្រជាជនវៀតណាមរៀបចំពិធីចេញដំណើរទៅជីករុករកអដ្ឋិធាតុយុទ្ធជនពលីក្នុងសម័យសង្គ្រាមនៅកម្ពុជា

តំណាងគណៈកម្មការជាតិដឹកនាំលេខ ៥១៥  ជូនផ្កា និងអំណោយលើកទឹកចិត្តដល់បណ្ដាក្រុម K នៃយោធភូមិភាគទី៧

ប្រតិភូចូលរួមពិធីចេញដំណើរ

បញ្ចប់ដំណាក់កាលទី ២៣ (រដូវប្រាំង ២០២៣-២០២៤ ក្រុម K ចំនួន ៤ នៃយោធភូមិភាគទី ៧ បានជីករុករក និងធ្វើមាតុភូមិនិវត្ដន៍អដ្ឋិធាតុយុទ្ធជនពលីចំនួន ៥៧៤ អដ្ឋិធាតុ។ ដំណាក់កាលទី ២៤ សម្រាប់រដូវប្រាំង ឆ្នាំ ២០២៤-២០២៥ ក្រុម K នៃយោធភូមិភាគទី ៧ គ្រោងនឹងរុករកអដ្ឋិធាតុយុទ្ធជនជាង ៦០០ អដ្ឋិធាតុដែលពលីក្នុងសម័យសង្គ្រាមនៅកម្ពុជា។

ថ្លែងក្នុងពិធី លោកឧត្តមសេនីយ៍ទោ Tran Hoai Trung មេបញ្ជាការបញ្ជាការដ្ឋានយោធភូមិភាគទី ៧ បានកោតសរសើរ និងវាយតម្លៃខ្ពស់ចំពោះលទ្ធផលនៃការជីករុករកអដ្ឋិធាតុយុទ្ធជនពលីនាពេលកន្លងមក ទន្ទឹមនឹងនោះ លោកបានស្នើឲ្យកម្មាភិបាលនិងយុទ្ធជនត្រៀមរៀបចំឱ្យបានល្អ និងលើកកម្ពស់លទ្ធផល និង​បទពិសោធន៍ក្នុងការអនុវត្តភារកិច្ចនាពេលខាងមុខ។

មន្ត្រីនៃគណៈកម្មាធិការជំនាញកម្ពុជាទទួលស្វាគមន៍កម្មាភិបាលនិងយុទ្ធជននៃក្រុម K មកកម្ពុជាអនុវត្ដការងារជីករុករកអដ្ឋិធាតុ

លោកឧត្តមសេនីយ៍ទោ Tran Hoai Trung បានសង្កត់ធ្ងន់ថា អង្គភាពនីមួយៗត្រូវសហការយ៉ាងជិតស្និទ្ធជាមួយអាជ្ញាធរមូលដ្ឋាន កងកម្លាំងប្រដាប់អាវុធ និងស្ថាប័នជំនាញរបស់កម្ពុជាដើម្បីផ្សព្វផ្សាយ ចលនា និងស្វែងរកព័ត៌មាន  រួមចំណែកលើកកម្ពស់ប្រសិទ្ធភាពនៃការរុករក ធានាសុវត្ថិភាពជាដាច់ខាត  និងអនុវត្តបានល្អនូវកិច្ចការចលនា និងកិច្ចការបរទេស  និងពង្រឹងចំណងមិត្តភាពជាមួយអង្គភាព និងមូលដ្ឋាននានានៃប្រទេសកម្ពុជា...

ក្នុងពិធីនេះ ថ្នាក់ដឹកនាំគណៈកម្មការជាតិដឹកនាំលេខ៥១៥ និងយោធភូមិភាគទី៧ បានជូនផ្កា និងអំណោយលើកទឹកចិត្តដល់ក្រុម K ទាំង៤ ដែលទៅអនុវត្ដការងាររុករកអដ្ឋិធាតុកងទ័ពស្មគ្រចិត្ដនិងអ្នកជំនាញវៀតណាមក្នុងដំណាក់កាល ២៤ រដូវប្រាំង ២០២៤-២០២៥ ដែលពលីក្នុងសម័យសង្គ្រាមនៅកម្ពុជា ត្រឡប់​មកមាតុភូមិវិញ៕

បកប្រែដោយ Pham Diep