បញ្ជាការដ្ឋានយោធភូមិភាគទី ៧ ទទួលជួបថ្នាក់ដឹកនាំវ័យក្មេងនៃកងយោធពលខេមរភូមិន្ទ

ក្នុងជំនួបនេះ លោកវរសេនីយ៍ឯក Le Xuan Binh មេបញ្ជាការរងនៃបញ្ជាការដ្ឋានយោធភូមិភាគទី៧ បានជូនដំណឹងអំពីសកម្មភាព និងការចងសម្ព័ន្ធមេត្រីភាព រវាងយោធភូមិភាគទី៧ និងអង្គភាពនានានៃកងយោធពលខេមរភូមិន្ទនាពេលកន្លងមក។

លោកវរសេនីយ៍ឯក Le Xuan Binh មេបញ្ជាការរងយោធភូមិភាគទី៧ (ស្តាំ) ទទួលជួបថ្នាក់ដឹកនាំវ័យក្មេងនៃកងយោធពលខេមរភូមិន្ទ

លោកវរសេនីយ៍ឯក Le Xuan Binh បានអះអាងថា អង្គភាពទាំងពីរតែងតែមានទំនាក់ទំនងសាមគ្គីភាព មិត្តភាពជាប្រពៃណីដ៏យូរអង្វែង។ តាមរយៈការផ្លាស់ប្តូរយោបល់ជាមួយបណ្ដាអង្គភាពរបស់យោធភូមិភាគទី ៧ លើកនេះ នឹងជួយឱ្យថ្នាក់ដឹកនាំវ័យក្មេងរបស់កងទ័ពនៃប្រទេសទាំងពីរកាន់តែមានទំនុកចិត្ត យោគយល់គ្នា ពូនជ្រំទំនាក់ទំនងប្រពៃណីល្អរវាងកងទ័ពនៃប្រទេសទាំងពីរនិយាយរួម និងកងកម្លាំងប្រដាប់អាវុធនៃយោធភូមិភាគទី៧ ជាមួយបណ្ដាអង្គភាពនៃកងយោធពលខេមរភូមិន្ទកាន់តែខ្លាំងឡើង។

ថ្នាក់ដឹកនាំបញ្ជាការដ្ឋានយោធភូមិភាគទី៧ និងថ្នាក់ដឹកនាំវ័យក្មេងនៃកងទ័ពប្រជាជនវៀតណាម និងកងយោធពលខេមរភូមិន្ទ

តាងនាមថ្នាក់ដឹកនាំវ័យក្មេងនៃកងយោធពលខេមរភូមិន្ទ លោកឧត្តមសេនីយ៍ត្រី ង៉ែត សុវណ្ណ អារុណដេត នាយសេនាធិការរង បញ្ជាការដ្ឋានកងទ័ពជើងគោកនៃកងយោធពលខេមរភូមិន្ទ បានថ្លែងអំណរគុណយ៉ាងជ្រាលជ្រៅចំពោះវៀតណាមដែលបានជួយគាំទ្រកម្ពុជាក្នុងរយៈពេលកន្លងមក ។ លោកឧត្តមសេនីយ៍ត្រី ង៉ែត សុវណ្ណ អារុណដេត ជឿជាក់ថា ដំណើរទស្សនកិច្ចលើកនេះនឹងជួយសមាជិកនៃគណៈប្រតិភូរៀនសូត្របទពិសោធន៍ និងមានមិត្តល្អច្រើនទៀត។ ព្រមទាំងមានបំណងចង់ឲ្យបញ្ជាការដ្ឋានយោធភូមិភាគទី ៧ បង្កើតលក្ខខណ្ឌសម្រាប់គណៈប្រតិភូនៃកងយោធពលខេមរភូមិន្ទ បានមកសិក្សា និងស្វែងយល់កាន់តែច្បាស់អំពីទឹកដី និងប្រជាជនវៀតណាមនិយាយរួម និងកងកម្លាំងប្រដាប់អាវុធនៃយោធភូមិភាគទី៧ និយាយដោយឡែក។ អាស្រ័យហេតុនេះ រួមចំណែកពង្រឹងចំណងសាមគ្គីភាព ចំណងមិត្តភាពជាប្រពៃណីរវាងបក្ស រដ្ឋ និងកងទ័ពនៃប្រទេសទាំងពីរវៀតណាម និងកម្ពុជាឲ្យកាន់តែរីកចម្រើន៕

បកប្រែដោយ Pham Diep