កងទ័ពការពារព្រំដែនខេត្ត Dak Lak និងស្នងការដ្ឋាននគរបាលខេត្តមណ្ឌលគិរី បង្កើនកិច្ចសហប្រតិបត្តិការ

នៅឆ្នាំ២០២៤ បញ្ជាការដ្ឋានកងទ័ពការពារព្រំដែនខេត្ត Dak Lak និងស្នងការរដ្ឋាននគរបាលខេត្តមណ្ឌលគិរី បានផ្សព្វផ្សាយ និងអនុវត្តប្រកបដោយប្រសិទ្ធភាពនូវខ្លឹមសារនៃកិច្ចពិភាក្សារវាងបញ្ជាការដ្ឋានកងទ័ពការពារព្រំដែនវៀតណាម និងអគ្គស្នងការនគរបាលជាតិកម្ពុជា ព្រមទាំងខ្លឹមសារនៃកំណត់ហេតុរបស់កិច្ចពិភាក្សារវាងបញ្ជាការដ្ឋានកងទ័ពការពារព្រំដែនខេត្ត Dak Lak និងស្នងការរដ្ឋាននគរបាលខេត្តមណ្ឌលគិរី។ ទន្ទឹមនឹងនោះ ភាគីទាំងពីរបានពិភាក្សាអំពីស្ថានភាពសន្តិសុខ សណ្តាប់ធ្នាប់នៅតាមព្រំដែន សហការដោះស្រាយបញ្ហាដែលកើតឡើង ក្នុងស្មារតីមិត្តភាព សាមគ្គីភាព និងការគោរពឯករាជ្យ អធិបតេយ្យភាព និងបូរណភាពទឹកដីរបស់គ្នាទៅវិញទៅមក។

ភាគីទាំងពីរចុះហត្ថលេខាលើកំណត់ហេតុនៃកិច្ចពិភាក្សា

ចំពោះទិសដៅនាពេលខាងមុខ ភាគីទាំងពីរបានឯកភាពបន្តអនុវត្តប្រកបដោយប្រសិទ្ធភាពនូវខ្លឹមសារនៃកំណត់ហេតុរបស់កិច្ចពិភាក្សារវាងបញ្ជាការដ្ឋានកងទ័ពការពារព្រំដែនវៀតណាម និងអគ្គស្នងការនគរបាលជាតិ។ កងកម្លាំងទាំងពីរបន្តសហការ និងផ្ដល់យោបល់ដល់ថ្នាក់ដឹកនាំខេត្តទាំងពីរលើការបើកច្រកទ្វារព្រំដែន Dak Rue (វៀតណាម) និង ជីមៀត (កម្ពុជា) តាមសេចក្តីសម្រេចរវាងរដ្ឋាភិបាលទាំងពីរដែលចុះហត្ថលេខាកាលពីឆ្នាំ២០០៧។ ជាពិសេសបង្កើនកិច្ចសហការក្នុងការប្រយុទ្ធ ទប់ស្កាត់រាល់សកម្មភាពឆ្លងដែនខុសច្បាប់ បទល្មើសគ្រប់ប្រភេទនៅតាមតំបន់ព្រំដែន រួមចំណែកកសាងព្រំដែនប្រកបដោយសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ៕

បកប្រែដោយ Thuy Anh