នេះគឺជាសកម្មភាពប្រចាំឆ្នាំរវាងសហជីពនៃប្រទេសទាំងពីរ ដើម្បីពង្រឹងទំនាក់ទំនងមិត្តភាព និងសាមគ្គីភាពរវាងវៀតណាម និងកម្ពុជា ទន្ទឹមនឹងនោះ ចែករំលែកបទពិសោធន៍ក្នុងដំណើរការកសាង និងអភិវឌ្ឍអង្គការសហជីព ថែរក្សា និងការពារសិទ្ធិ និងផលប្រយោជន៍ស្របច្បាប់របស់ពលករ។

ថ្លែងមតិក្នុងសន្និសីទ លោក Tran Doan Trung អនុប្រធានអចិន្ត្រៃយ៍នៃសហព័ន្ធពលករទីក្រុងហូជីមិញបានសង្កត់ធ្ងន់ថា ទំនាក់ទំនងវៀតណាម-កម្ពុជា គឺជាទំនាក់ទំនងពិសេស រួមទាំងទំនាក់ទំនងរវាងសហព័ន្ធពលករវៀតណាម និងសភាសម្ព័ន្ធសហជីពជាតិកម្ពុជាក៏មានលក្ខណៈពិសេសផងដែរ។ សហជីពនៃប្រទេសទាំងពីរមានលក្ខណៈពិសេសរៀងៗខ្លួន ដូច្នេះត្រូវការការផ្លាស់ប្តូរ កិច្ចសហប្រតិបត្តិការ ការរៀនសូត្រ និងការចែករំលែក បទពិសោធន៍ពីភាគីទាំងពីរ។

leftcenterrightdel
លោក Tran Doan Trung អនុប្រធានអចិន្ត្រៃយ៍នៃសហព័ន្ធពលករទីក្រុងហូជីមិញថ្លែងនៅក្នុងសន្និសីទ (រូបថត៖ vnanet.vn)

ក្នុងក្របខ័ណ្ឌនៃសន្និសីទនេះ កម្មាភិបាលសហជីពនៃភាគីទាំងពីរនឹងពិភាក្សាលើប្រធានបទដូចជា៖ ទំនាក់ទំនងអ្នកជិតខាងមិត្តភាព កិច្ចសហប្រតិបត្តិការគ្រប់ជ្រុងជ្រោយ វៀតណាម-កម្ពុជា ប្រកបដោយនិរន្តរភាពយូរអង្វែង សេចក្តីសម្រេចចិត្តនៃមហាសន្និបាតលើកទី ១៣ នៃសហព័ន្ធពលករវៀតណាម សេចក្តីសម្រេចចិត្តនៃមហាសន្និបាតលើកទី ១២ នៃសហព័ន្ធពលករទីក្រុងហូជីមិញ អាណត្តិ ២០២៣-២០២៨។

នៅក្នុងសន្និសីទ លោក សួង ហួត ប្រធានសភាសម្ព័ន្ធសហជីពជាតិកម្ពុជា បានវាយតម្លៃខ្ពស់ចំពោះសកម្មភាពផ្លាស់ប្តូរ និងចែករំលែកបទពិសោធន៍ប្រចាំឆ្នាំស្តីពីការងារសហជីពរវាងប្រទេសទាំងពីរ។ លោកបានសង្ឃឹមថា ខ្លឹមសារដែលបានផ្លាស់ប្តូរនៅក្នុងសន្និសីទនេះនឹងរួមចំណែកដល់ការលើកកម្ពស់សមត្ថភាពរបស់កម្មាភិបាលសហជីព ពន្លឿនដំណើរការកសាងអង្គការសហជីពដ៏រឹងមាំ។

លោក សួង ហួត បានជម្រាបជូនអំពីសកម្មភាពរបស់សភាសម្ព័ន្ធសហជីពជាតិកម្ពុជានាពេលថ្មីៗនេះ។ លោកក៏សង្ឃឹមដែរថា សហជីពវៀតណាម និងកម្ពុជានឹងជំរុញ និងពង្រឹងបន្ថែមទៀតនូវកិច្ចសហប្រតិបត្តិការ ការផ្លាស់ប្តូរ និងចែករំលែកបទពិសោធន៍ក្នុងស្មារតីនៃកិច្ចសហប្រតិបត្តិការមិត្តភាព ស្និទ្ធស្នាល និងសាមគ្គីភាព។ លោក ហួត សួង បានអះអាងថា សកម្មភាពផ្លាស់ប្តូរ និងចែករំលែកបទពិសោធន៍បាននឹងកំពុងរួមចំណែកពង្រឹង និងពូនជ្រំឲ្យទំនាក់ទំនងមិត្តភាព និងកិច្ចសហប្រតិបត្តិការរវាងប្រជាជនវៀតណាម និងប្រជាជនកម្ពុជានិយាយរួម និងរវាងសហព័ន្ធពលករវៀតណាម និងសភាសម្ព័ន្ធសហជីពជាតិកម្ពុជានិយាយដោយឡែក រីកចម្រើនកាន់តែខ្លាំងឡើង៕

បកប្រែដោយ Huyen Trang