ពូនជ្រំទំនាក់ទំនងមិត្តភាព វៀតណាម-ឡាវ-កម្ពុជា
កប.អនឡាញ - នាថ្ងៃទី ២១ ខែកក្កដា នៅទីក្រុងហូជីមិញ សមាគមមិត្តភាពវៀតណាម-កម្ពុជា ទីក្រុងហូជីមិញបានរៀបចំកម្មវិធីជួបប្រាស្រ័យរវាងអតីតកងទ័ពស្ម័គ្រចិត្ត អតីតអ្នកជំនាញការវៀតណាមដែលបានជួយមិត្តកម្ពុជា ជាមួយនិស្សិតកម្ពុជា និងឡាវដែលកំពុងសិក្សានៅទីក្រុងហូជីមិញ។
អញ្ជើញចូលរួមពិធីមានលោក ចាន់ សូរីកា អគ្គកុងស៊ុលកម្ពុជាប្រចាំទីក្រុងហូជីមិញ និងលោក Phonesy Buonmixay អគ្គកុងស៊ុលឡាវប្រចាំទីក្រុងហូជីមិញ។
នៅក្នុងកម្មវិធី និស្សិតឡាវ និងកម្ពុជាបានស្តាប់ឮពីលោកឧត្តមសេនីយ៍ទោ Trieu Xuan Hoa វីរៈបុរសនៃកងកម្លាំងប្រដាប់អាវុធប្រជាជន អតីតមេបញ្ជាការយោធភូមិភាគទី៧ អតីតអនុប្រធានគណៈកម្មាធិការដឹកនាំតំបន់ខ្ពង់រាបភាគកណ្តាល Tay Nguyen; លោកឧត្តមសេនីយ៍ទោ Luu Phuoc Luong អតីតមេបញ្ជាការរងកិច្ចការនយោបាយនៃយោធភូមិភាគទី៩ អតីតអនុប្រធានគណៈកម្មាធិការដឹកនាំទិសនិរតី...ចែករំលែកអំពីរយៈពេលដែលលោកបានរស់នៅ ប្រយុទ្ធ និងរួមជាមួយកងទ័ព និងប្រជាជនកម្ពុជា និងឡាវដណ្តើមបានឯករាជ្យ សេរីភាព។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/07/22/upload_2117/05.jpg?dpi=150&quality=100&w=500) |
លោកឧត្តមសេនីយ៍ទោ Luu Phuoc Luong អតីតមេបញ្ជាការរងកិច្ចការនយោបាយនៃយោធភូមិភាគទី៩ អតីតអនុប្រធានគណៈកម្មាធិការដឹកនាំទិសនិរតី ចែករំលែកនៅក្នុងកម្មវិធី (រូបថត៖ vov.vn) |
កម្មវិធីនេះបានជួយនិស្សិតឡាវ និងកម្ពុជាយល់កាន់តែច្បាស់អំពីមនោសញ្ចេតនាដ៏ល្អរវាងប្រទេសទាំងបី រួមចំណែកកសាងស្មារតីសាមគ្គីភាព និងកិច្ចសហប្រតិបត្តិការមិត្តភាពជាប្រពៃណី វៀតណាម-ឡាវ-កម្ពុជា។ Souphaphone Senhane និស្សិតឡាវដែលកំពុងសិក្សានៅសកលវិទ្យាល័យវេជ្ជសាស្ត្រ Pham Ngoc Thach បានចែករំលែកថា៖ “ខ្ញុំរំជួលចិត្តណាស់ចំពោះការលះបង់ដើម្បីប្រជាជន និងដើម្បីប្រទេសជាតិរបស់ជំនាន់មុនៗ ដើម្បីទទួលបានឯករាជ្យដូចសព្វថ្ងៃនេះ។ ខ្ញុំបានរស់នៅប្រទេសវៀតណាមក្នុងរយៈពេល ២ ឆ្នាំហើយ ហើយអ្វីដែលខ្ញុំចូលចិត្តបំផុតគឺប្រជាជនវៀតណាម ដែលមានភាពរួសរាយរាក់ទាក់ណាស់។ ក្នុងការសិក្សា អ្នកគ្រូប្រៀបដូចជាម្ដាយទីពីររបស់ខ្ញុំ ដោយសារអ្នកគ្រូបានគាំទ្រ និងយកចិត្តទុកដាក់ខ្លាំងណាស់ចំពោះយើងខ្ញុំ"៕
បកប្រែដោយ Huyen Trang