កម្មវិធីប្រកួតកីឡាមិត្តភាពរវាងកម្មាភិបាលនៃស្ថានទូតវៀតណាម និងក្រសួងការបរទេសនិងសហប្រតិបត្ដិការអន្ដរជាតិកម្ពុជា

អញ្ជើញថ្លែងមតិក្នុងពិធីបើកកម្មវិធី លោក Nguyen Huy Tang ឯកអគ្គរដ្ឋទូតវៀតណាមប្រចាំនៅកម្ពុជា បានសង្កត់ធ្ងន់ថា ឆ្នាំ២០២៣ កម្ពុជាមានព្រឹត្តិការណ៍សំខាន់ៗដូចជា៖ ខួបលើកទី៧០ នៃទិវាបុណ្យឯករាជ្យជាតិ និងបង្កើតកងយោធពលខេមរភូមិន្ទ និង២៥ ឆ្នាំ នៃការអនុវត្តគោលនយោបាយឈ្នះ-ឈ្នះ រួមទាំងការរៀបចំការការបោះឆ្នោតជ្រើសតាំងតំណាងរាស្ត្រនីតិកាលទី៧ ប្រកបដោយជោគជ័យ និងបង្កើតរាជរដ្ឋាភិបាលថ្មី រដ្ឋសភាថ្មី... ជាប្រទេសជិតខាង វៀតណាមមានសេចក្ដីរីករាយនិងអបអរសាទរចំពោះសមិទ្ធផល ដែលកម្ពុជាសម្រេចបានក្នុងរយៈពេលកន្លងមក។

លោកឯកអគ្គរដ្ឋទូត Nguyen Huy Tang ថ្លែងសុន្ទរកថាបើកកម្មវិធី

លោកឯកអគ្គរដ្ឋទូត Nguyen Huy Tang ក៏បានវាយតម្លៃខ្ពស់ និងយកចិត្តទុកដាក់ពិសេសដល់ទំនាក់ទំនងជិតស្និទ្ធរវាងស្ថានទូតវៀតណាម និងក្រសួងការបរទេសនិងសហប្រតិបត្ដិការអន្ដរជាតិកម្ពុជា។ លោកឯកអគ្គរដ្ឋទូត Nguyen Huy Tang បានមានប្រសាសន៍បន្ថែមថា៖ “កម្មវិធីប្រកួតកីឡាថ្ងៃនេះគឺជាឱកាសមួយសម្រាប់ស្ថានទូតវៀតណាមសម្តែងនូវការដឹងគុណយ៉ាងស្មោះស្ម័គ្របំផុតចំពោះថ្នាក់ដឹកនាំ និងស្ថាប័ន និងមន្ត្រីនៃក្រសួងការបរទេសនិងសហប្រតិបត្ដិការអន្ដរជាតិកម្ពុជាដែលតែងតែរួមដំណើរ និងសហការយ៉ាងជិតស្និទ្ធក្នុងសកម្មភាពការបរទេសរួមរវាងប្រទេសទាំងពីរ។  លោកឯកអគ្គរដ្ឋទូត Nguyen Huy Tang មានបំណងចង់បន្តទទួលបានការជួយគាំទ្រពីបណ្តាអង្គភាព និងបុគ្គលិកទាំងអស់នៃក្រសួងការបរទេស និងសហប្រតិបត្ដិការអន្ដរជាតិកម្ពុជា ដើម្បីឱ្យស្ថានទូតវៀតណាមបំពេញភារកិច្ចបានជោគជ័យ”។

អត្តពលិកចូលរួមក្នុងកម្មវិធី

លោក ប្រាក់ ងួនហុង រដ្ឋលេខាធិការក្រសួងការបរទេស និងសហប្រតិបត្ដិការអន្ដរជាតិកម្ពុជា បានឲ្យដឹងថា នេះជាសកម្មភាពសំដៅពង្រឹងទំនាក់ទំនងជិតស្និទ្ធរវាងមន្រ្តី និងបុគ្គលិកនៃស្ថានទូតវៀតណាម និងក្រសួងការបរទេសនិងសហប្រតិបត្ដិការអន្ដរជាតិកម្ពុជា។ សកម្មភាពនេះក៏រួមចំណែកជំរុញទំនាក់ទំនងមិត្តភាព និងកិច្ចសហប្រតិបត្តិការយ៉ាងជិតស្និទ្ធ និងមានប្រសិទ្ធភាពលើគ្រប់វិស័យក្នុងក្របខ័ណ្ឌទ្វេភាគី និងពហុភាគីរវាងប្រទេសទាំងពីរ៕

បកប្រែដោយ Pham Diep