កម្មវិធីផ្សព្វផ្សាយទេសចរណ៍វៀតណាម - ទីក្រុងហូជីមិញ នៅកម្ពុជា
កប.អនឡាញ - នាល្ងាចថ្ងៃទី ១៩ ខែមិថុនា ស្ថានទូតវៀតណាមប្រចាំព្រះរាជាណាចក្រកម្ពុជា បានសម្របសម្រួលជាមួយមន្ទីរទេសចរណ៍ទីក្រុងហូជីមិញ រៀបចំកម្មវិធីផ្សព្វផ្សាយទេសចរណ៍វៀតណាម-ហូជីមិញ ក្នុងបំណងបង្ហាញរូបភាពនៃគោលដៅទេសចរណ៍ ធ្វើបច្ចុប្បន្នភាពនូវសេវាកម្ម និងផលិតផលទេសចរណ៍ថ្មីរបស់វៀតណាម និងទីក្រុងហូជីមិញដល់សហគ្រាសទេសចរណ៍ និងប្រព័ន្ធផ្សព្វផ្សាយកម្ពុជា ជាពិសេសគឺផលិតផលទេសចរណ៍វេជ្ជសាស្រ្ត ដែលជាប្រៀបខ្លាំងរបស់ទីក្រុងហូជីមិញ។
ថ្លែងក្នុងពិធីនេះ លោក Ngo Van Tuat អគ្គទីប្រឹក្សាស្ថានទូតវៀតណាមប្រចាំនៅកម្ពុជា បានឲ្យដឹងថា កម្ពុជា និងវៀតណាម គឺជាប្រទេសទាំងពីរដែលមានសក្តានុពលជាច្រើនលើវិស័យទេសចរណ៍។ នៅក្នុងប្រទេសនីមួយៗ ថ្នាក់ដឹកនាំពីថ្នាក់មជ្ឈិមដល់មូលដ្ឋានមានការយកចិត្តទុកដាក់ដល់វិស័យទេសចរណ៍ ដូច្នេះនាពេលកន្លងមក ផ្នែកទេសចរណ៍មានការរីកចម្រើន ចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច បង្កើតការងារសម្រាប់ប្រជាពលរដ្ឋ និងវិបុលភាពសម្រាប់ប្រទេសជាតិ ជាពិសេសសម្រាប់មូលដ្ឋានដែលមានសក្តានុពលទេសចរណ៍។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2023/06/20/thuyanh_kh/du-lich.jpg?dpi=150&quality=100&w=500) |
សកម្មភាពជួបជុំ និងស្វែងយល់ពីផលិតផល និងសេវាកម្មទេសចរណ៍សម្រាប់ទីផ្សារទេសចរណ៍កម្ពុជា (រូបថត៖ vnanet.vn) |
លោក Ngo Van Tuat បានសង្កត់ធ្ងន់ថា កម្មវិធីផ្សព្វផ្សាយទេសចរណ៍វៀតណាម-ទីក្រុងហូជីមិញ នៅកម្ពុជា គឺជាព្រឹត្តិការណ៍ដ៏សំខាន់មួយដើម្បីជំរុញកិច្ចសហប្រតិបត្តិការទេសចរណ៍រវាងប្រទេសទាំងពីរនិយាយរួម និងរវាងទីក្រុងហូជីមិញ ជាមួយទីក្រុងភ្នំពេញនិយាយដោយឡែក។ លោកសង្ឃឹមថា តាមរយៈកម្មវិធី សហគ្រាស និងប្រជាជនកម្ពុជានឹងផ្សព្វផ្សាយសក្ដានុពល ប្រៀបខ្លាំង និងសេវាកម្មទេសចរណ៍នៅទីក្រុងហូជីមិញ។ ទន្ទឹមនឹងនោះ បើកឱកាសសហប្រតិបត្តិការជាច្រើនសម្រាប់សហគ្រាសនៃភាគីទាំងពីរ តាមរយៈនោះ បង្កើនចំនួនភ្ញៀវទេសចរទ្វេភាគីរវាងវៀតណាម និងកម្ពុជា។
ចំណែកភាគីកម្ពុជាវិញ លោកអនុរដ្ឋលេខាធិការក្រសួងទេសចរណ៍កម្ពុជា មានជំនឿថា កម្មវិធីផ្សព្វផ្សាយទេសចរណ៍វៀតណាម-ទីក្រុងហូជីមិញ នៅកម្ពុជានឹងផ្សព្វផ្សាយ និងទាក់ទាញភ្ញៀវទេសចរឲ្យកាន់តែច្រើនឡើងរវាងកម្ពុជា និងវៀតណាមក្នុងដំណាក់កាលស្តារទេសចរណ៍ឡើងវិញក្រោយ Covid-19។ នៅឆ្នាំនេះ ក្រសួងទេសចរណ៍កម្ពុជានឹងបន្តគាំទ្រ និងសហការក្នុងព្រឹត្តិការណ៍ ITE-HCMC លើកទី ១៧ ដែលនឹងប្រព្រឹត្តទៅនៅខែកញ្ញា ឆ្នាំ២០២៣ ខាងមុខនេះ៕
បកប្រែដោយ Thuy Anh