លើកកំពស់តួនាទីជាស្ពានតភ្ជាប់ក្នុងការវិនិយោគ និងពាណិជ្ជកម្មរវាងវៀតណាម និងកម្ពុជា

សម្តេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចកម្ពុជា (រូបថត៖ vnanet.vn)

រាយការណ៍ជូនសម្តេចកិត្តិសង្គហបណ្ឌិត ម៉ែន សំអន និងគណៈប្រតិភូ លោក Le Ngoc Lam អគ្គនាយកធនាគារ BIDV បានឲ្យដឹងថា៖ អនុវត្តតាមការណែនាំរបស់រដ្ឋាភិបាលនៃប្រទេសទាំងពីរវៀតណាម និងកម្ពុជាលើការតភ្ជាប់ទីផ្សារហិរញ្ញវត្ថុនៃប្រទេសទាំងពីរ ដើម្បីពង្រឹងការវិនិយោគ-ពាណិជ្ជកម្ម - សកម្មភាពទេសចរណ៍ទ្វេភាគី ចាប់តាំងពីឆ្នាំ ២០០៩ មក ធនាគារ BIDV បានបង្កើតសេវាពាណិជ្ជកម្មរបស់ BIDV នៅក្នុងប្រទេសកម្ពុជាក្នុងវិស័យហិរញ្ញវត្ថុ - ធនាគារ - ធានារ៉ាប់រង - មូលបត្រ។ មកទល់នឹងពេលនេះ BIDV គឺជាអង្គការហិរញ្ញវត្ថុវៀតណាមឈានមុខគេក្នុងសកម្មភាពវិនិយោគផ្ទាល់ និងកិច្ចសហប្រតិបត្តិការឥណទានហិរញ្ញវត្ថុនៅកម្ពុជា។

វត្តមានសេវាពាណិជ្ជកម្មរបស់ធនាគារ BIDV នៅកម្ពុជាបានអនុវត្តបានយ៉ាងល្អនូវបេសកកម្ម គោលដៅ ភារកិច្ចដែលបានប្រគល់ជូន និងការធ្វើអាជីវកម្មប្រកបដោយប្រសិទ្ធភាព  ដោយបញ្ជាក់ពីកិត្យានុភាព ម៉ាកសញ្ញាក្នុងវិស័យប្រតិបត្តិការ ហើយរួមចំណែកដល់ការអភិវឌ្ឍសេដ្ឋកិច្ចសង្គមរបស់កម្ពុជា។ ជាពិសេសបន្ទាប់ពីបង្កើត និងអភិវឌ្ឍន៍អស់រយៈពេល ១៤ ឆ្នាំកន្លងមក ធនាគារវិនិយោគនិងអភិវឌ្ឍន៍កម្ពុជា (BIDC) ចំណុះធនាគារ BIDV វៀតណាមបានក្លាយជាធនាគារពាណិជ្ជខ្នាតធំមួយនៅកម្ពុជា ដែលមានដើមទុនគិតត្រឹមថ្ងៃទី ៣១ ខែមីនា ឆ្នាំ ២០២៣ ឈានដល់ ១០០ លានដុល្លារអាមេរិក ទ្រព្យសម្បត្តិសរុបកើនដល់ជិត ៨៨២ លានដុល្លារ...។

លោក Le Ngoc Lam អគ្គនាយកធនាគារ BIDV បានរាយការណ៍ក្នុងកិច្ចប្រជុំ (រូបថត៖ vnanet.vn)

ក្រៅពីនេះ សកម្មភាពនៃក្រុមហ៊ុនធានារ៉ាប់រងកម្ពុជា-វៀតណាម (CVI) ក្រុមហ៊ុនមូលបត្រកម្ពុជា-វៀតណាម (CVS) ការិយាល័យតំណាងធនាគារ BIDV ប្រចាំនៅកម្ពុជា ក៏សម្រេចបាននូវសមិទ្ធិផលជាច្រើនដែលគួរឲ្យកត់សម្គាល់។ ទន្ទឹមនឹងសកម្មភាពវិនិយោគ និងធ្វើអាជីវកម្មនៅកម្ពុជា ធានាគារ BIDV និង ធនាគារ BIDC ក៏តែងតែយកចិត្តទុកដាក់លើការអនុវត្តកម្មវិធីសន្តិសុខសង្គម ដើម្បីរឹតចំណងមិត្តភាព និងសាមគ្គីភាពរវាងប្រជាជនទាំងពីរផងដែរ។

ថ្លែងក្នុងជំនួបនេះ សម្តេចកិត្តិសង្គហបណ្ឌិត ម៉ែន សំអន បានអបអរសាទរចំពោះសមិទ្ធិផលទាំងឡាយ ព្រមទាំងបានកោតសរសើរចំពោះការរួមចំណែករបស់ធនាគារ BIDV និងធនាគារ BIDC និងសេវាពាណិជ្ជកម្មផ្សេងៗទៀតចំពោះសេដ្ឋកិច្ច-សង្គមរបស់កម្ពុជាក្នុងរយៈពេល ១៤ ឆ្នាំកន្លងមក។ លោកជំទាវឧបនាយករដ្ឋមន្ត្រី ម៉ែន សំអន បានវាយតម្លៃថា៖ ចាប់តាំងពីសេវាពាណិជ្ជកម្មរបស់ BIDV ត្រូវបានបង្កើតឡើងនៅកម្ពុជា សកម្មភាពវិនិយោគរបស់សហគ្រាសវៀតណាមនៅកម្ពុជាមានការរីកចម្រើន រួមចំណែកក្នុងការតភ្ជាប់អាជីវកម្ម ជំរុញការវិនិយោគ ពាណិជ្ជកម្ម និងសកម្មភាពទេសចរណ៍ និងអភិវឌ្ឍទំនាក់ទំនងឱ្យកាន់តែប្រសើរឡើងរវាងប្រទេសទាំងពីរ។

ទីដ្ឋភាពនៃជំនួប ( រូបថត៖ vnanet.vn)

លោកជំទាវឧបនាយករដ្ឋមន្ត្រី ម៉ែន សំអន បានស្នើឲ្យធនាគារ BIDV និងធនាគារ BIDC បន្តខិតខំប្រឹងប្រែងរក្សាតួនាទីនាំមុខក្នុងចំណោមសហគ្រាសវៀតណាមដែលកំពុងប្រតិបត្តិការនៅកម្ពុជា លើកកំពស់តួនាទីជាស្ពានតភ្ជាប់ក្នុងសកម្មភាពសេដ្ឋកិច្ច វិនិយោគ និងពាណិជ្ជកម្មរវាងប្រទេសទាំងពីរ៕

បកប្រែដោយ Thanh Cong