ថ្នាក់ដឹកនាំគណៈកម្មាធិការរណសិរ្សមាតុភូមិវៀតណាមខេត្ត An Giang អបអរសាទរខួបលើកទី ៤៤ នៃទិវាបង្កើតរណសិរ្សសាមគ្គី អភិវឌ្ឍន៍មាតុភូមិកម្ពុជា

លោក Nguyen​ Tiec Hung ជូនអំណោយដល់ថ្នាក់ដឹកនាំគណៈកម្មាធិការរណសិរ្សសាមគ្គីអភិវឌ្ឍន៍មាតុភូមិកម្ពុជាខេត្តតាកែវ (រូបថត៖ baoangiang.com.vn)

តាងនាមគណៈប្រតិភូ លោក Nguyen Tiec Hung បានវាយតំលៃខ្ពស់ចំពោះការរួមវិភាគទានជាវិជ្ជមានរបស់គណៈកម្មាធិការរណសិរ្សសាមគ្គីអភិវឌ្ឍន៍មាតុភូមិកម្ពុជាខេត្តតាកែវ ក្នុងការពង្រឹងនិងពង្រីកទំនាក់ទំនងភាពជាអ្នកជិតខាងល្អ មិត្តភាព កិច្ចសហប្រតិបត្តិការ រវាងវៀតណាម និងកម្ពុជានិយាយរួម និងរវាងខេត្តទាំងពីរខេត្ត An Giang និងខេត្តតាកែវ និយាយដោយឡែក។ តាមរយៈនោះ រណសិរ្សនៃខេត្តទាំង២ នឹងបន្តពង្រឹង និងរឹតចំណងសាមគ្គីភាព មិត្តភាព កិច្ចសហប្រតិបត្តិការក្នុងការអភិវឌ្ឍសេដ្ឋកិច្ច សង្គម ធានាសន្តិសុខ សណ្តាប់ធ្នាប់ សុវត្ថិភាពសង្គមតាមព្រំដែន និងលើកកម្ពស់គុណភាពនៃជីវភាពរស់នៅរបស់ប្រជាពលរដ្ឋ។

ក្នុងឱកាសនេះ គណៈកម្មាធិការរណសិរ្សមាតុភូមិវៀតណាមខេត្ត An Giang បានទៅដាក់កម្រងផ្កា និងអុជធូបនៅស្តូបមិត្តភាពវៀតណាម-កម្ពុជា៕

បកប្រែដោយ Thuy Anh