កម្មវិធីស្ម័គ្រចិត្តដ៏មានអត្ថន័យរបស់យុវជនវៀតណាមនៅកម្ពុជា
កប.អនឡាញ - នាព្រឹកថ្ងៃទី ២៤ ខែវិច្ឆិកា សម្ព័ន្ធយុវជនវៀតណាមខេត្ត Long An បានរៀបចំ “កម្មវិធីស្ម័គ្រចិត្ត និងផ្លាស់ប្តូរយុវជន វៀតណាម-កម្ពុជា ឆ្នាំ ២០២២” នៅស្រុកស្វាយជ្រំ ខេត្តស្វាយរៀង។
កម្មវិធីនេះមានសកម្មភាពដ៏មានអត្ថន័យជាច្រើន រួមមានការប្រគល់ផ្ទះមិត្តភាពដល់សហភាពសហព័ន្ធយុវជនកម្ពុជាខេត្តស្វាយរៀង ជូនអំណោយដល់ប្រជាពលរដ្ឋចំនួន ៣០០ កញ្ចប់ និងសៀវភៅសរសេរចំនួន ១៥០០ ក្បាល ជូនសាលាបឋមសិក្សាកណ្តាលភូមិ និងផ្តល់កង់ចំនួន ១០ គ្រឿង ជូនសិស្សានុសិស្សដែលមានស្ថានភាពលំបាក។ល។
|
|
ពិធីប្រគល់ផ្ទះមិត្តភាពជូនសហភាពសហព័ន្ធយុវជនកម្ពុជាខេត្តស្វាយរៀង (រូបថត៖ nld.com.vn) |
ឆ្នាំ ២០២២ ជាឆ្នាំមានសារសំខាន់ពិសេសសម្រាប់ទំនាក់ទំនងវៀតណាម-កម្ពុជា ដែលប្រទេសទាំងពីរប្រារព្ធខួបលើកទី ៥៥ នៃការបង្កើតទំនាក់ទំនងការទូត (២៤ មិថុនា ឆ្នាំ១៩៦៧ / ២៤ មិថុនា ឆ្នាំ២០២២)។
ដើម្បីរឹតបន្តឹងទំនាក់ទំនងមិត្តភាពរវាងខេត្ត Long An របស់វៀតណាម និងខេត្តស្វាយរៀង របស់កម្ពុជានិយាយរួម និងរវាងយុវជននៃខេត្តទាំងពីរនិយាយដោយឡែក កម្មវិធីនេះជាឱកាសសម្រាប់សមាជិកសហព័ន្ធយុវជន និងយុវជនខេត្ត Long An និងខេត្តស្វាយរៀងជួបប្រាស្រ័យ ព្រមទាំងបង្កើនការយល់ដឹងគ្នាទៅវិញទៅមក តាមរយៈសកម្មភាពផ្លាស់ប្តូរ និងទស្សនា ដើម្បីស្វែងយល់ពីប្រវត្តិសាស្រ្ត វប្បធម៌ ស្ថានភាពសេដ្ឋកិច្ច និងនយោបាយរបស់ប្រទេសនីមួយៗ ក្នុងការងារអន្តរជាតិយុវជន៕
បកប្រែដោយ Huyen Trang