ពិធីប្រគល់ និងទទួលផែនទីឋានលេខាព្រំដែនគោគ វៀតណាម-កម្ពុជា
កប.អនឡាញ - នាថ្ងៃទី១ ខែសីហា គណៈប្រតិភូវៀតណាម ដឹកនាំដោយ លោក Le Hoai Trung អនុរដ្ឋមន្រ្តីក្រសួងការបរទេស និងជាប្រធានគណៈកម្មការចម្រុះខណ្ឌសីមា និងបោះបង្គោលព្រំដែនគោក វៀតណាម-កម្ពុជា និងគណៈប្រតិភូ កម្ពុជា ដឹកនាំដោយ លោក វ៉ា គឹមហុង ទេសរដ្ឋមន្រ្តីទទួលបន្ទុកកិច្ចការព្រំដែន និងជាប្រធានគណៈកម្មការចម្រុះខណ្ឌសីមា និងបោះបង្គោលព្រំដែនគោក កម្ពុជា-វៀតណាម បានជួបពិភាក្សាការងារ និងធ្វើការប្រគល់ ទទួលផែនទីព្រំដែន មាត្រដ្ឋាន ១/២៥.០០០ រវាងវៀតណាម និង កម្ពុជា នៅច្រកទ្វារអន្តរជាតិ Moc Bai ខេត្ត Tay Ninh។
    |
 |
|
លោក Le Hoai Trung (រូបថត៖ vnanet.vn) |
ភាគីទាំងពីរបានដំណើរការត្រួតពិនិត្យ ផ្ទៀងផ្ទាត់ និងឯកភាពគ្នាលើចំនួន ៥០០ ច្បាប់ផែនទីឋានលេខាព្រំដែនគោក វៀណាម - កម្ពុជា ដែលក្នុងនោះមានចំនួន ២៥០ ច្បាប់បានធ្វើជាភាសា វៀតណាម-ខ្មែរ និងចំនួន ២៥០ ទៀតជាភាសា ខ្មែរ-វៀតណាម។ ច្បាប់ផែនទីទាំងអស់នេះត្រូវបានចុះហត្ថលេខាគ្រប់ចំនួនរបស់តំណាងស្ថាប័នមានសមត្ថកិច្ចគ្រប់ជាន់ថ្នាក់នៃភាគីទាំងពីរ។ អាស្រ័យលើការឯកភាពគ្នា ភាគី វៀតណាម បានប្រគល់ជូនភាគីកម្ពុជានូវផែនទីចំនួន ២៥០ ច្បាប់ និងក៏រក្សាទុកចំនួន ២៥០ ច្បាប់ដែរ។
ផែនទីឋានលេខាព្រំដែន រវាង វៀតណាម-កម្ពុជា មាត្រដ្ឋាន ១/២៥.០០០ បានបង្ហាញយ៉ាងពេញលេញនូវលទ្ធផលនៃការងារខណ្ឌសីមា និងបោះបង្គោលព្រំដែនគោក (ប្រមាណ ៨៤%) និងជាឧបសម្ព័ន្ធដែលមិនអាចផ្តាច់ចេញបានពីពិធីសារខណ្ឌសីមា និងបោះបង្គោលព្រំដែនគោក វៀតណាម-កម្ពុជា ដែលប្រទេសទាំងពីរបានចុះហត្ថលេខានាថ្ងៃទី៥ ខែតុលា ឆ្នាំ២០១៩ រួមជាមួយសន្ធិសញ្ញាបំពេញបន្ថែមលើសន្ធិសញ្ញាកំណត់ព្រំដែនរដ្ឋឆ្នាំ ១៩៨៥ សន្ធិបំពេញបន្ថែមឆ្នាំ ២០០៥៕
បកប្រែដោយ Thuy Anh