សមាគមកាកបាទក្រហម វៀតណាម - កម្ពុជា ពួតដៃគ្នាប្រយុទ្ធប្រឆាំងនឹងរោគរាតត្បាត Covid-19

លោកឯកអគ្គរដ្ឋទូត Vu Quang Minh និងលោកស្រី អ៊ុក ម៉ាលី អគ្គហិរញ្ញិកកាកបាទក្រហមកម្ពុជា (រូបថត៖ vov.vn)

មានប្រសាសន៍នៅពិធីប្រគល់ និងទទួល លោកឯកអគ្គរដ្ឋទូត Vu Quang Minh បានសង្ឃឹមថា ជំនួយឧបត្ថម្ភនៃសមាគមកាកបាទក្រហមវៀតណាម នឹងរួមចំណែកក្នុងការបង្ការ និងទប់ទល់នឹងជំងឺ Covid-19 របស់រាជរដ្ឋាភិបាលនិងប្រជាជនកម្ពុជា ហើយនេះជាមនោសញ្ចេតនា និងការចែករំលែករបស់ប្រជាជនវៀតណាមជាមួយមិត្តភក្តិកម្ពុជាក្នុងដំណាក់កាលដ៏លំបាកនេះ។

ភាគីទាំងពីរចុះហត្ថលេខាលើការប្រគល់ និងទទួល (រូបថត៖ vov.vn)

រីឯលោកស្រី អ៊ុក ម៉ាលី អគ្គហិរញ្ញិកកាកបាទក្រហមកម្ពុជាបានថ្លែងអំណរគុណចំពោះការជួយឧបត្ថម្ភ និងការចែករំលែកដ៏ថ្លៃថ្នូរបស់សមាគមកាកបាទក្រហមវៀតណាម សម្រាប់កម្ពុជាក្នុងគ្រាដ៏លំបាក ព្រមទាំងចាត់ទុកនេះជាការថែរក្សានិងពង្រីកប្រពៃណី កិច្ចសហប្រតិបតិ្តការដ៏ល្អប្រសើររវាងប្រជាជននៃប្រទេសទាំងពីរ វៀតណាម-កម្ពុជា៕

បកប្រែដោយ Huyen Trang