ក្នុងឱកាសមហាសន្និបាត លើកទី១៤ របស់បក្សកុម្មុយនិស្តវៀតណាម លោកវេជ្ជបណ្ឌិត Romulo Velero ដែលជាអ្នកប្រាជ្ញឆ្វេងនិយមមានប្រជាប្រិយភាពម្នាក់នៅក្នុងប្រទេសវេណេស៊ុយអេឡា បានចែករំលែកអារម្មណ៍ និងការវាយតម្លៃរបស់លោកអំពីបដិវត្តន៍វៀតណាម បក្សកុម្មុយនិស្តវៀតណាម និងអត្ថន័យជាប្រវត្តិសាស្ត្របច្ចុប្បន្នរបស់មហាសន្និបាត។

leftcenterrightdel
លោកវេជ្ជបណ្ឌិត Romulo Velero (រូបថត៖ VNA)

លោកវេជ្ជបណ្ឌិត Romulo Velero ចាត់ទុកមហាសន្និបាត លើកទី១៤ របស់បក្សកុម្មុយនិស្តវៀតណាម ជាការអភិវឌ្ឍប្រកបដោយភាព logic និងជៀសមិនរួចក្នុងការអភិវឌ្ឍបក្សបដិវត្តន៍ពិតប្រាកដមួយ។ យោងតាមលោក បក្សមួយដែលបានដឹកនាំប្រជាជនឱ្យដណ្តើមបានឯករាជ្យ បង្រួបបង្រួមជាតិ ​អនុវត្តដំណើរការផ្លាស់ប្តូរថ្មីដោយជោគជ័យ និង​បាន​បញ្ជាក់​តួនាទីអន្តរជាតិនោះ គឺមានភាពក្លាហាន ប្រាជ្ញា និងបទពិសោធន៍ចាំបាច់ ដើម្បីបន្តការផ្លាស់ប្តូរដោយខ្លួនឯង កែតម្រូវដោយខ្លួនឯង និងដឹកនាំប្រទេសក្នុងដំណាក់កាលនៃការអភិវឌ្ឍថ្មី។

ទាក់ទងនឹងការរៀបចំរបស់វៀតណាមសម្រាប់មហាសន្និបាត លោក Romulo Velero បានថ្លែងថា ការកៀរគរការចូលរួមយ៉ាងទូលំទូលាយពីកម្មាភិបាល បក្ខជន អ្នកប្រាជ្ញ និងប្រជាជនគ្រប់ស្រទាប់វណ្ណៈ មិនត្រឹមតែមានអត្ថន័យយ៉ាងខ្លាំងប៉ុណ្ណោះទេ ថែមទាំងឆ្លុះបញ្ចាំងពីលក្ខណៈរបស់បក្សកុម្មុយនិស្តវៀតណាម ជាបក្សមួយដែលយល់ថាចំណុចខ្លាំងរបស់ខ្លួនស្ថិតនៅក្នុងការឯកភាពគ្នាក្នុងសង្គម និងការជឿទុកចិត្តពីប្រជាជន៕

បកប្រែដោយ Duy Hoan