មហាសន្និបាត លើកទី១៤ របស់បក្សកុម្មុយនិស្តវៀតណាម៖ វៀតណាមបញ្ជាក់ពីសង្គមនិយមមួយមានភាពស្វាហាប់ និងច្នៃប្រឌិតក្នុងយុគសម័យថ្មី

នៅក្នុងបរិបទនៃមហាសន្និបាត លើកទី១៤ របស់បក្សកុម្មុយនិស្តវៀតណាម ដែលកំពុងប្រព្រឹត្តទៅនៅទីក្រុងហាណូយ លោក Doraisamy Raja អគ្គលេខាបក្សកុម្មុយនិស្តឥណ្ឌា (CPI) បានចែករំលែកទស្សនៈរបស់លោកលើអត្ថន័យ​​នៃព្រឹត្តិការណ៍នយោបាយដ៏សំខាន់នេះសម្រាប់ដំណើរការអភិវឌ្ឍរបស់វៀតណាម ក៏ដូចជាចលនាឆ្វេងនិយម និងជឿនលឿននៅទូទាំងពិភពលោក។

លោក Doraisamy Raja អគ្គលេខាបក្សកុម្មុយនិស្តឥណ្ឌា (CPI)

យោងតាមលោក Doraisamy Raja អគ្គលេខាបក្ស ការសម្រេចចិត្តរបស់វៀតណាមក្នុងការបន្តគំរូកំណើនថ្មីដោយផ្អែកលើវិទ្យាសាស្ត្រ នវានុវត្តន៍ និងការផ្លាស់ប្តូរឌីជីថល បង្ហាញពីចក្ខុវិស័យជាយុទ្ធសាស្ត្រ ទំនុកចិត្ត និងសមត្ថភាពក្នុងការក្តាប់ជាប់តម្រូវការនៃសម័យកាល។

លោក Doraisamy Raja បានអះអាងថា ការផ្លាស់ប្តូរពីគំរូកំណើនដែលផ្អែកលើកម្លាំងពលកម្មថោក និងការធ្វើអាជីវកម្មធនធាន ទៅជាគំរូអភិវឌ្ឍន៍ដែលផ្អែកលើចំណេះដឹង បច្ចេកវិទ្យា និងផែនការជាតិ គឺជាជំហានមួយឆ្ពោះទៅរកការកែលម្អគុណភាពនៃកម្លាំងផលិតភាព។ ជាពិសេស ដំណើរការនេះត្រូវបានដាក់ក្នុងក្របខ័ណ្ឌនៃទិសដៅសង្គមនិយម ដោយសង្កត់ធ្ងន់លើតួនាទីរបស់វិទ្យាសាស្ត្រ និងបច្ចេកវិទ្យាក្នុងការបម្រើដល់ការអភិវឌ្ឍជាតិ និងវឌ្ឍនភាពសង្គម។ នេះបញ្ជាក់ថា សង្គមនិយមនៅវៀតណាម គឺជាដំណើរការមួយដ៏ស្វាហាប់ មានសមត្ថភាពសម្របខ្លួនប្រកបដោយភាពច្នៃប្រឌិតទៅនឹងលក្ខខណ្ឌប្រវត្តិសាស្ត្រថ្មីៗ ខណៈពេលដែលតែងតែដាក់សុខុមាលភាពរបស់ប្រជាជន និងអធិបតេយ្យភាពជាតិជាស្នូល៕

បកប្រែដោយ Duy Hoan