កងពលធំថ្មើរជើងលេខ៥ នៃយោធាភូមិភាគទី៧ កងទ័ពប្រជាជនវៀតណាម ជួបពិភាក្សាការងារជាមួយកងពលតូចអន្តរគមន៍លេខ១ នៃកងយោធពលខេមរភូមិន្ទ

ទិដ្ឋភាពនៃកិច្ចប្រជុំ (រូប​ថត៖ baoquankhu7.vn)

នៅឯកិច្ចពិភាក្សានេះ ថ្នាក់ដឹកនាំនៃកងពលធំថ្មើរជើងលេខ៥ និងកងពលតូចអន្តរគមន៍លេខ១ បានចុះហត្ថលេខាលើអនុស្សារណៈយោគយល់គ្នាស្តីពីកិច្ចសហប្រតិបត្តិការក្នុងឆ្នាំ ២០១៨ - ២០១៩។ ភាគីទាំងពីរនឹងបន្តពង្រឹងកិច្ចសហប្រតិបត្តិការ ការផ្សព្វផ្សាយអំពីប្រពៃណី ប្រវត្តិសាស្រ្ត និងទំនាក់ទំនងសាមគ្គីភាព មិត្តភាពរវាងប្រជាជនទាំងពីរវៀតណាម - កម្ពុជា។

លោកវរសេនីយ៍ឯកលោក Pham Van Ram មេបញ្ជាការកងពលធំថ្មើរជើងលេខ៥ និងឯកឧត្តម ឧត្តមសេនីយ៍ឯក ព្រហ្ម ផេង មេបញ្ជាការកងពលតូចអន្តរាគមន៍លេខ១ ចុះហត្ថលេខាលើអនុស្សារណៈយោគយល់គ្នាស្តីពីកិច្ចសហប្រតិបត្តិការក្នុងឆ្នាំ ២០១៨ - ២០១៩ (រូប​ថត៖ baoquankhu7.vn)

ភាគីទាំងពីរនឹងបន្តធ្វើឱ្យបានល្អថែមទៀតនូវការផ្លាស់ប្តូរព័ត៌មាន ចែករំលែកបទពិសោធន៍ក្នុងការកសាងអង្គភាព ការហ្វឹកហ្វឺនបណ្តុះបណ្តាលបច្ចេកទេសប្រយុទ្ធទ័ពថ្មើរជើង និងជំនាញបច្ចេកទេសផ្សេងទៀត សហការគ្នាក្នុងការប្រយុទ្ធប្រឆាំងឧក្រិដ្ឋកម្ម និងសកម្មភាពទាំងអស់ដែលប៉ះពាល់ដល់សន្តិសុខនៃប្រទេសទាំងពីរ ហើយបន្តចែករំលែកបទពិសោធក្នុងការបង្ការ ទប់ស្កាត់ការរីករាលដាលនៃជំងឺឆ្លងដែលប៉ះពាល់ដោយផ្ទាល់ដល់កងកម្លាំងប្រដាប់អាវុធ។ រៀបចំឲ្យបានល្អនូវការផ្លាស់ប្តូរគណៈប្រតិភូ ការទស្សនាកម្សាន្ត ការសួរសុខទុក្ខគ្នាទៅវិញទៅមក តាមផែនការរបស់ក្រសួងការពារជាតិនៃប្រទេសទាំងពីរ និងតាមផែនការផ្លាស់ប្តូរគណៈប្រតិភូរវាងបញ្ជាការដ្ឋានយោធភូមិភាគទី៧របស់វៀតណាម និងបញ្ជាការដ្ឋានកងទ័ពជើងគោករបស់កម្ពុជា៕

បកប្រែដោយ Duy Hoan