នាំមកនូវសេចក្តីសប្បាយរីករាយ និងសុខដុមរមនាដល់ជនរួមជាតិ
កប.អនឡាញ - ក្នុងឱកាសទទួលអំណរបុណ្យចូលឆ្នាំថ្មីប្រពៃណី២០២៥ របស់ជនរួមជាតិខ្មែរ គ្រួសារលោកស្រី Vo Thi Tien ភូមិ Xeo Su ឃុំ Vinh Tan ទីរួមខេត្ត Vinh Chau ខេត្ត Soc Trang វៀតណាម គ្រប់ដណ្តប់ដោយក្តីសប្បាយរីករាយ និងសុភមង្គល ព្រោះគ្រួសារលោកស្រីទើបតែទទួលបានផ្ទះមហាសាមគ្គី ពីប៉ុស្តិ៍ការពារព្រំដែន Lai Hoa កងទ័ពការពារព្រំដែនខេត្ត Soc Trang និងស្ថាប័ន អង្គភាពនានា។
លោកស្រី Tien បានចែករំលែកថា "ពីមុន គ្រួសារខ្ញុំរស់នៅក្នុងផ្ទះបណ្ដោះអាសន្ន រាល់ពេលភ្លៀង ផ្ទះជ្រាបទឹក គ្រឿងសង្ហារឹមទាំងអស់ទទឹកសើម។ ដោយយល់ដឹងពីស្ថានភាពគ្រួសារ កងទ័ពការពារព្រំដែនបានឧបត្ថម្ភទាំងថវិកា និងជួយសាងសង់ ដូច្នេះហើយគ្រួសារខ្ញុំមានផ្ទះរឹងមាំសម្រាប់ទទួលអំណរបុណ្យចូលឆ្នាំថ្មី។ ជាពិសេសគ្រួសាររបស់ខ្ញុំនឹងមានថ្ងៃដ៏កក់ក្តៅនៅរដូវវស្សា។ គ្រួសារមានអំណរគុណយ៉ាងខ្លាំងចំពោះកងទ័ពការពារព្រំដែន"។
    |
 |
|
កម្មាភិបាលប៉ុស្តិ៍ការពារព្រំដែន Lai Hoa ចុះសួរសុខទុក្ខ ជូនពរឆ្នាំថ្មី និងជូនអំណោយដល់គ្រួសារ Ly Van Tung ភូមិ Prey Chop B ឃុំ Lai Hoa (ទីរួមខេត្ត Vinh Chau ខេត្ត Soc Trang) |
ជំរាបលាលោកស្រី Tien យើងនិងកម្មាភិបាល យុទ្ធជននៃប៉ុស្តិ៍ការពារព្រំដែន Lai Hoa បានទៅសួរសុខទុក្ខ ជូនពរឆ្នាំថ្មី និងជូនអំណោយដល់គ្រួសារលោក Ly Van Tung ដែលជាគ្រួសារមានស្ថានភាពលំបាកពិសេសនៅភូមិ Prey Chop B ឃុំ Lai Hoa ក្រុង Vinh Chau។ លោក Tung បាននិយាយដោយក្តីរំភើបថា៖ "ជារៀងរាល់ខែ គ្រួសាររបស់ខ្ញុំទទួលបានគ្រឿងឧបភោគ បរិភោគពីប៉ុស្តិ៍ការពារព្រំដែន Lai Hoa។ ក្នុងឱកាសពិធីបុណ្យ ប៉ុស្តិ៍ក៏បានផ្តល់អំណោយ ដើម្បីជួយគ្រួសាររបស់ខ្ញុំមានពិធីបុណ្យដ៏ពេញលេញ និងកក់ក្តៅ"។
បុណ្យចូលឆ្នាំថ្មីជាឱកាសមួយសម្រាប់ជនរួមជាតិខ្មែរជួបជុំជាមួយក្រុមគ្រួសារ និងពង្រឹងសាមគ្គីភាពសហគមន៍ រួមគ្នាកសាង និងអភិវឌ្ឍស្រុកកំណើត។ តំបន់ដែលគ្រប់គ្រងដោយប៉ុស្តិ៍ការពារព្រំដែន Lai Hoa មានជនរួមជាតិខ្មែរជិត ៨០% ជីវភាពរស់នៅរបស់ជនរួមជាតិនៅតែមានការលំបាក (អត្រាគ្រួសារក្រីក្រ និងគ្រួសារជិតបន្ទាត់ក្រីក្រមានប្រហែល ២៧%)។ ដើម្បីជួយប្រជាជនទទួលអំណរបុណ្យចូលឆ្នាំថ្មីប្រពៃណីឆ្នាំ២០២៥ ប៉ុស្តិ៍ការពារព្រំដែន Lai Hoa បានសហការជាមួយសមាគមកាកបាទក្រហមទីរួមខេត្ត Vinh Chau គណៈកម្មាធិការប្រជាជនឃុំ Lai Hoa និងឃុំ Vinh Tan ដើម្បីរៀបចំសកម្មភាពជាក់ស្តែងជាច្រើនដូចជា៖ ពិនិត្យជំងឺ និងចែកថ្នាំពេទ្យដោយឥតគិតថ្លៃដល់អ្នកក្រីក្រ ជនពិការ និងប្រជាជនដែលមានជំងឺធ្ងន់ធ្ងរ រៀបចំកម្មវិធីប្រឡងវេចនំប្រជាប្រិយ រៀបចំការផ្លាស់ប្តូរវប្បធម៌ និងសិល្បៈប្រពៃណីរបស់ជនជាតិខ្មែ... ដើម្បីជួយជនរួមជាតិនៅខេត្ត Soc Trang មានពិធីបុណ្យចូលឆ្នាំថ្មីប្រកបដោយកក់ក្តៅ និងសប្បាយរីករាយ៕
បកប្រែដោយ Thanh Cong