កម្មវិធី “ដំណើរការសុខភាពបៃតង និងការតភ្ជាប់ពាណិជ្ជកម្ម” នៅខេត្ត Binh Phuoc

គ្រូពេទ្យពិនិត្យ និងផ្តល់យោបល់អំពីសុខភាពជូនប្រជាជន

នៅក្នុងកម្មវិធី អង្គភាព សហគ្រាស និងមូលដ្ឋានបានសហការរៀបចំសកម្មភាពដ៏មានអត្ថន័យជាច្រើន៖ ការពិនិត្យជំងឺ និងចែកថ្នាំដោយឥតគិតថ្លៃជូនអ្នកទទួលរបបឧបត្ថម្ភគោលនយោបាយ ជនរួមជាតិភាគតិច និងជនក្រីក្រជាង ៥០០ នាក់រៀបចំសកម្មភាពតភ្ជាប់ពាណិជ្ជកម្មតាមរយៈស្តង់បង្ហាញផលិតផលពិសេសនៃមូលដ្ឋាន ជូនអំណោយដល់អ្នកទទួលរបបឧបត្ថម្ភគោលនយោបាយ និងអ្នកក្រីក្រជាង ៣០០ នាក់ បើកសម្ពោធគម្រោងបំភ្លឺផ្លូវជនបទដែលមានប្រវែងជាង ២ គីឡូម៉ែត្រ ការផ្លាស់ប្តូរវប្បធម៌ ការសម្តែងសិល្បៈ ល្បែងប្រជាប្រិយ...

លោកវរសេនីយ៍ឯក Hoang Van Hung ប្រគល់អំណោយដល់ជនក្រីក្រក្នុងកម្មវិធី

លោកវរសេនីយ៍ឯក Hoang Van Hung ប្រធាននយោបាយអង្គភាពសេដ្ឋកិច្ច-ការពារជាតិលេខ៧៧៨ បានឲ្យដឹងថា ស្រុក Bu Gia Map ជាស្រុកជាប់ព្រំដែននៃខេត្ត Binh Phuoc ដែលមានជនរួមជាតិភាគតិចជាច្រើន ជីវភាពរស់នៅរបស់ប្រជាជន នៅមានការលំបាក។ កម្មវិធីនេះមានគោលបំណងតភ្ជាប់ពាណិជ្ជកម្ម អភិវឌ្ឍសេដ្ឋកិច្ចសង្គមនៅមូលដ្ឋាន និងថែទាំសុខភាព លើកកំពស់គុណភាពនៃជីវភាពរស់នៅរបស់ប្រជាជននៅមូលដ្ឋាន៕

បកប្រែដោយ Thuy Anh