ជំរុញកិច្ចសហប្រតិបត្តិការរវាងខេត្តព្រៃវែង និងបណ្ដាមូលដ្ឋានវៀតណាម

នាថ្ងៃទី២ ខែកក្កដា នៅប៉ុស្តិ៍នគរបាលច្រកទ្វារព្រំដែនអន្តរជាតិម៉ឺនជ័យ ខេត្តព្រៃវែង លោក Nguyen Minh Vu ឯកអគ្គរដ្ឋទូត បានដឹកនាំគណៈប្រតិភូស្ថានទូតវៀតណាមប្រចាំនៅកម្ពុជា ចូលជួបពិភាក្សាការងារជាមួយលោក សួន សុម៉ាលីន អភិបាលខេត្តព្រៃវែង និងតំណាងមន្ទីរ អង្គភាព និងស្ថាប័ននានារបស់ខេត្ត។

ទិដ្ឋភាពនៃជំនួប (រូបថត៖ nhandan.vn)

ក្នុងជំនួបនេះ លោក Nguyen Minh Vu បានវាយតំលៃខ្ពស់ចំពោះទំនាក់ទំនងសហប្រតិបត្តិការល្អរវាងខេត្តព្រៃវែង និងបណ្តាខេត្តជាប់ព្រំដែនវៀតណាម (ខេត្ត Dong Thap និងខេត្ត Tay Ninh)។ លោកឯកអគ្គរដ្ឋទូតបានសម្តែងនូវក្តីសង្ឃឹមថា នាពេលខាងមុខ ខេត្តព្រៃវែងនឹងបន្តជំរុញកិច្ចសហប្រតិបត្តិការលើគ្រប់វិស័យ ជាពិសេសលើកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគជាមួយខេត្ត Dong Thap និងខេត្ត Tay Ninh។

ក្នុងជំនួបនោះ លោក សួន សុម៉ាលីន បានសង្កត់ធ្ងន់ថា ខេត្តព្រៃវែងមានទំនាក់ទំនងសហប្រតិបត្តិការល្អជាមួយបណ្តាខេត្តជាប់ព្រំដែនវៀតណាម ជាពិសេសលើវិស័យសេដ្ឋកិច្ច ពាណិជ្ជកម្ម និងជំនួបប្រាស្រ័យរវាងប្រជាជន និងប្រជាជន។ លោក សួន សុម៉ាលីន បានសម្តែងនូវក្តីសង្ឃឹមថា ការបើកសម្ពោធជាផ្លូវការនូវច្រកទ្វារព្រំដែនអន្តរជាតិ Tan Nam (ខេត្ត Tay Ninh) - ម៉ឺនជ័យ (ព្រៃវែង) នឹងរួមចំណែកជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងជំនួបប្រាស្រ័យប្រជាជនរវាងខេត្តព្រៃវែង និងបណ្ដាខេត្តជាប់ព្រំដែនវៀតណាម ចូលរួមចំណែកជំរុញកិច្ចសហប្រតិបត្តិការលើគ្រប់វិស័យរវាងវៀតណាម និងកម្ពុជា៕

បកប្រែដោយ Thuy Anh