នាវាកងឆ្មាំឆ្នេរសមុទ្រហ្វីលីពីន បំពេញទស្សនកិច្ចនៅទីក្រុង Da Nang

នេះជាលើកដំបូងហើយ ដែលកងឆ្មាំឆ្នេរសមុទ្រហ្វីលីពីន បានបញ្ជូននាវាទៅបំពេញទស្សនកិច្ច និងជួបប្រាស្រ័យជាមួយកម្មាភិបាល និងយុទ្ធជននៃកងឆ្មាំសមុទ្រវៀតណាម។

ពិធីស្វាគមន៍នាវា BRP Gabriela Silang នៃកងឆ្មាំឆ្នេរសមុទ្រហ្វីលីពីន នៅកំពង់ផែ Tien Sa

ប្រតិភូថតរូបទុកជាអនុស្សាវរីយ៍

លោកឧត្តមនាវីត្រី Joeven L Fabul មេបញ្ជាការរងនៃកងឆ្មាំឆ្នេរសមុទ្រហ្វីលីពីន បានចូលរួមក្នុងប្រតិបត្តិការមួយចំនួនរបស់នាវា។ ក្នុងអំឡុងដំណើរទស្សនកិច្ចនេះ មេបញ្ជាការរងនៃកងឆ្មាំឆ្នេរសមុទ្រហ្វីលីពីន និងក្រុមបញ្ជាការនៃនាវានឹងចូលជួបសម្តែងការគួរសមជាមួយថ្នាក់ដឹកនាំនៃគណៈកម្មាធិការប្រជាជនទីក្រុង Da Nang និងបញ្ជាការដ្ឋានកងឆ្មាំសមុទ្រតំបន់លេខ ២ ហើយទៅ​ទស្សនា និងចូលរួមប្រកួត​កីឡានៅបញ្ជាការដ្ឋានកងឆ្មាំសមុទ្រតំបន់លេខ ២ ចូលរួម​ហ្វឹកហ្វឺនស្វែងរក និងជួយសង្គ្រោះ បង្ការ និងប្រឆាំងនឹងពន្លត់អគ្គិភ័យជាមួយនាវាកងឆ្មាំសមុទ្រវៀតណាម។

នាវា BRP Gabriela Silang នៅកំពង់ផែ Tien Sa

ប្រតិភូទស្សនានាវា BRP Gabriela Silang

ដំណើរទស្សនកិច្ចនៅវៀតណាមរបស់នាវា BRP Gabriela Silang គឺជាសកម្មភាពជាក់ស្តែងដើម្បីអនុវត្តអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការលើសមុទ្ររវាងកងឆ្មាំសមុទ្រវៀតណាម និងកងឆ្មាំឆ្នេរសមុទ្រហ្វីលីពីន ដែលបានចុះហត្ថលេខាកាលពីខែមករា ឆ្នាំ ២០២៤។ តាមរយៈដំណើរទស្សនកិច្ចនេះ កម្មាភិបាល និងយុទ្ធជននៃកងកម្លាំងទាំងពីរមានឱកាសជួបប្រាស្រ័យ សិក្សា ចែករំលែក និងផ្លាស់ប្តូរបទពិសោធន៍ក្នុងការអនុវត្តច្បាប់លើសមុទ្រ  អាស្រ័យ​លើ​នេះ រួមចំណែកពង្រឹងទំនាក់ទំនងមិត្តភាព កិច្ចសហប្រតិបត្តិការ ការយល់ដឹង និងការជឿទុកចិត្តគ្នាទៅវិញទៅមករវាងកងកម្លាំងទាំងពីរ៕

បកប្រែដោយ Huyen Trang