ជម្រុញកិច្ចសហប្រតិបត្តិការការពារជាតិរវាងវៀតណាម ជាមួយនូវែលសេឡង់ និងទួរគី

ក្នុងជំនួបជាមួយ​អនុព័ន្ធយោធានូវែលសេឡង់ចាស់ និងថ្មី លោកឧត្តមសេនីយ៍ឯក Hoang Xuan Chien បានអបអរសាទរចំពោះលោកស្រីវរសេនីយ៍ឯក Shauna Graham ដែលបានបញ្ចប់ដោយជោគជ័យនូវអាណត្តិរបស់ខ្លួននៅវៀតណាម និងស្វាគមន៍លោកវរសេនីយ៍ឯក Lyndon Wilson មកទទួលបេសកម្មនៅវៀតណាម។

ទិដ្ឋភាពនៃជំនួប

លោកឧត្តមសេនីយ៍ឯក Hoang Xuan Chien បានសង្កត់ធ្ងន់ថា នាពេលកន្លងមក កិច្ចសហប្រតិបត្តិការការពារជាតិរវាងប្រទេសទាំងពីរត្រូវបានអនុវត្តប្រកបដោយប្រសិទ្ធភាពតាមអនុស្សរណៈនៃការយោគយល់គ្នាឆ្នាំ២០១៣ ស្តីពីកិច្ចសហប្រតិបត្តិការការពារជាតិ ដោយផ្តោតលើវិស័យដូចជា៖ ការផ្លាស់ប្តូរគណៈប្រតិភូ កិច្ចសន្ទនា កិច្ចពិគ្រោះយោបល់ ការបណ្តុះបណ្តាល ការរក្សាសន្តិភាពរបស់អង្គការសហប្រជាជាតិ សន្តិសុខដែនសមុទ្រ និងកិច្ចសហប្រតិបត្តិការក្នុងក្របខ័ណ្ឌនៃយន្តការការពារជាតិពហុភាគី ជាពិសេសកិច្ចប្រជុំរដ្ឋមន្ត្រីការពារជាតិអាស៊ានបូក (ADMM+)។

លោកឧត្តមសេនីយ៍ឯក Hoang Xuan Chien បានវាយតម្លៃខ្ពស់ចំពោះការរួមចំណែករបស់លោកស្រីវរសេនីយ៍ឯក Shauna Graham ចំពោះលទ្ធផលនៃកិច្ចសហប្រតិបត្តិការការពារជាតិទ្វេភាគី និងសម្តែងទំនុកចិត្តថា លោកវរសេនីយ៍ឯក Lyndon Wilson អនុព័ន្ធយោធាថ្មីនៃនូវែលសេឡង់នឹងបន្តពង្រីកជោគជ័យទាំងនេះ ដើម្បីរួមចំណែកដល់ការជម្រុញទំនាក់ទំនងរវាងប្រទេសទាំងពីរនិយាយរួម និងទំនាក់ទំនងសហប្រតិបត្តិការការពារជាតិនិយាយដោយឡែក ដោយផ្តោតលើការផ្លាស់ប្តូរគណៈប្រតិភូ ការពិគ្រោះយោបល់ និងកិច្ចសន្ទនា ការកសាង និងចុះហត្ថលេខាលើឯកសារសហប្រតិបត្តិការ កិច្ចសហប្រតិបត្តិការបណ្តុះបណ្តាល ការរក្សាសន្តិភាពរបស់អង្គការសហប្រជាជាតិ កិច្ចសហប្រតិបត្តិការសន្តិសុខដែនសមុទ្រ សន្តិសុខតាមអ៊ីនធឺណិត ពេទ្យយោធា ឧស្សាហកម្មការពារជាតិ...

ក្នុងជំនួបជាមួយអនុព័ន្ធយោធាទួរគី លោកឧត្តមសេនីយ៍ឯក Hoang Xuan Chien បានអបអរសាទរចំពោះលោកវរសេនីយ៍ឯក Ozgur Bulent ដែលត្រូវបានផ្ដល់ឋានៈថ្មីនៅប្រទេសវៀតណាម។

លោកឧត្តមសេនីយ៍ឯក Hoang Xuan Chien ប្រគល់អំណោយរដល់លោកវរសេនីយ៍ឯក Ozgur Bulent

លោកឧត្តមសេនីយ៍ឯក Hoang Xuan Chien បានស្នើឲ្យលោកវរសេនីយ៍ឯក Ozgur Bulent បន្តកិច្ចខិតខំប្រឹងប្រែងជម្រុញទំនាក់ទំនងសហប្រតិបត្តិការការពារជាតិទ្វេភាគីស្របតាមឯកសារសហប្រតិបត្តិការដែលបានចុះហត្ថលេខា ដោយផ្តោតលើការផ្លាស់ប្តូរគណៈប្រតិភូគ្រប់លំដាប់ថ្នាក់ ជាពិសេសគណៈប្រតិភូកម្រិតខ្ពស់ កិច្ចសហប្រតិបត្តិការក្នុងការបណ្តុះបណ្តាល ឧស្សាហកម្មការពារជាតិ ការផ្លាស់ប្តូរបទពិសោធន៍ក្នុងវិស័យកងទ័ពជើងទឹក កងទ័ពជើងអាកាស សន្តិសុខតាមអ៊ីនធឺណិត ការឆ្លើយតបទៅនឹងបញ្ហាប្រឈមសន្តិសុខមិនមែនប្រពៃណី... ក្រសួងការពារប្រទេសវៀតណាមបានត្រៀមខ្លួនជាស្រេចដើម្បីទទួលនាយទាហានទួរគីមកសិក្សាភាសានៅវៀតណាម និងចូលរួមក្នុងវគ្គបំប៉នជំនាញសម្រាប់មន្ត្រីការពារជាតិអន្តរជាតិនៅវៀតណាម ព្រមទាំងអញ្ជើញថ្នាក់ដឹកនាំនៃក្រសួងការពារជាតិទួរគី ស្ថាប័ន និងសហគ្រាសការពារជាតិឲ្យចូលរួមពិព័រណ៍ការពារជាតិអន្តរជាតិវៀតណាមឆ្នាំ២០២៦។

អនុព័ន្ធយោធានូវែលសេឡង់ និងទួរគី បានសម្តែងនូវការកោតសរសើរយ៉ាងខ្លាំងចំពោះកិច្ចសហប្រតិបត្តិការការពារជាតិទ្វេភាគីជាមួយវៀតណាម ព្រមទាំង បញ្ជាក់ពីការខិតខំជម្រុញកិច្ចសហប្រតិបត្តិការការពារជាតិរវាងភាគីទាំងពីរឲ្យកាន់តែមានប្រសិទ្ធភាព៕

បកប្រែដោយ Thuy Anh