ពង្រឹងការជួបប្រាស្រ័យមិត្តភាពនៅតំបន់ព្រំដែនវៀតណាម-ចិន

នៅក្នុងកិច្ចប្រជុំនេះ ភាគីទាំងពីរបានវាយតម្លៃខ្ពស់ចំពោះសមិទ្ធផលវិជ្ជមានក្នុងការគ្រប់គ្រងព្រំដែន និងកិច្ចសហប្រតិបត្តិការអនុវត្តច្បាប់ ព្រមទាំងឈានដល់ការឯកភាពគ្នាដើម្បីពង្រឹងកិច្ចសហប្រតិបត្តិការក្នុងការអនុវត្តច្បាប់នាពេលខាងមុខ។

តំណាងគណៈប្រតិភូបណ្តាប៉ុស្តិ៍ការពារព្រំដែន នៃគណៈបញ្ជាការកងទ័ពការពារព្រំដែនខេត្ត Lai Chau (វៀតណាម) ជូនផ្កា ទទួលស្វាគមន៍គណៈប្រតិភូកងអនុសេនាធំគ្រប់គ្រងព្រំដែន Jinping (ចិន)

ភាគីទាំងពីរបានឯកភាពគ្នាបន្តគាំទ្រ និងថែរក្សាយន្តការសហប្រតិបត្តិការក្នុងការអនុវត្តច្បាប់ ដោយពង្រឹង និងធ្វើឱ្យយន្តការដែលមានស្រាប់កាន់តែស៊ីជម្រៅ ដូចជាកិច្ចប្រជុំ និងកិច្ចពិភាក្សាជាប្រចាំ កិច្ចប្រជុំតាមករណីនីមួយៗ ការផ្លាស់ប្តូរព័ត៌មាន ការល្បាតរួមគ្នា ការសម្របសម្រួលក្នុងការបង្ការ និងប្រយុទ្ធប្រឆាំងនឹងឧក្រិដ្ឋកម្មឆ្លងដែន ការសម្របសម្រួលក្នុងការការពារសន្តិសុខក្នុងអំឡុងពេលព្រឹត្តិការណ៍សំខាន់ៗ និងការសម្របសម្រួលក្នុងការដោះស្រាយករណី និងឧប្បត្តិហេតុ...

ភាគីទាំងពីរបានចុះហត្ថលេខាលើអនុស្សរណៈនៃការយោគយល់គ្នា

គណៈប្រតិភូទាំងពីរបានជូនអំណោយអនុស្សាវរីយ៍

ភាគីទាំងពីរបានឯកភាពគ្នាធ្វើឱ្យទំនាក់ទំនង ការជួបប្រាស្រ័យមិត្តភាពកាន់តែស៊ីជម្រៅ លើកកម្ពស់ការអនុវត្តសកម្មភាពដើម្បីរួមគ្នាកសាងកិច្ចសហប្រតិបត្តិការមិត្តភាពរវាងប៉ុស្តិ៍ និងប៉ុស្តិ៍/កងអនុសេនាធំ។ បន្តបង្កើនការជួបប្រាស្រ័យមិត្តភាព និងកសាង ពង្រឹងកិច្ចសហប្រតិបត្តិការអនុវត្តច្បាប់វៀតណាម-ចិន។

ផ្តល់យោបល់ជូនអាជ្ញាធរមូលដ្ឋាននៃភាគីទាំងពីរលើការអនុវត្តសកម្មភាពដើម្បីបង្កើត "ភូមិមិត្តភាព" និង "ទីក្រុង/ទីរួមស្រុកមិត្តភាព"។ លើកកម្ពស់ការផ្លាស់ប្តូរក្នុងវិស័យផ្សេងៗ និងកសាងបរិយាកាសព្រំដែនដែលមានសុវត្ថិភាព និងស្ថិរភាព៕

បកប្រែដោយ Duy Hoan