យោធភូមិភាគទី៤ នៃកងទ័ពប្រជាជនវៀតណាម ជួយឧបត្ថម្ភមធ្យោបាយ និងសម្ភារៈសង្គ្រោះសម្រាប់កងទ័ពប្រជាជនឡាវ

ក្នុងពិធីនេះ តំណាងយោធភូមិភាគទី៤ សង្ឃឹមថា អង្គភាពឡាវនឹងទទួល គ្រប់គ្រង និងប្រើប្រាស់មធ្យោបាយ សម្ភារៈ បរិក្ខារប្រកបដោយគុណភាព និងប្រសិទ្ធភាព រួមចំណែកលើកកំពស់គុណភាពនៃការហ្វឹកហ្វឺន និងធានាសម្ភារៈសម្រាប់ភារកិច្ចស្វែងរក និងជួយសង្គ្រោះនៅពេលមានស្ថានភាពកើតមានឡើង។ នេះជាសកម្មភាពការទូតការពារជាតិដ៏មានអត្ថន័យដើម្បីពង្រឹងថែមទៀតនូវទំនាក់ទំនងមិត្តភាពនិងសាមគ្គីភាពពិសេសរវាងវៀតណាមនិងឡាវ។

មធ្យោបាយ និងសម្ភារៈជូនកងទ័ពប្រជាជនឡាវ

សូមរំលឹកដែរថា ចាប់ពីថ្ងៃទី៣ ដល់ថ្ងៃទី១៥ ខែតុលា យោធភូមិភាគទី៤ បានបញ្ជូនកម្មាភិបាល និងយុទ្ធជនជិត ១០០ នាក់ ជាមួយនឹងមធ្យោបាយ និងឧបករណ៍ចល័តជាច្រើន ដើម្បីចូលរួមសមយុទ្ធសង្គ្រោះគ្រោះមហន្តរាយរួមគ្នារវាងកងទ័ពនៃប្រទេសទាំងបី ឡាវ វៀតណាម និងកម្ពុជា នៅរដ្ឋធានីវៀងច័ន្ទ ប្រទេសឡាវ សម្រេចបានលទ្ធផលល្អ និងធានាសុវត្ថិភាពដាច់ខាត ដែលត្រូវបានទទួលការវាយតម្លៃខ្ពស់ពីរដ្ឋាភិបាល និងរដ្ឋមន្ត្រីក្រសួងការពារជាតិទាំងបី៕

បកប្រែដោយ Thuy Anh