ក្រុមវិស្វកម្មវៀតណាមចូលរួមអបអរសាទរទិវាសន្តិភាពអន្តរជាតិ

ទិដ្ឋភាពនៃព្រឹត្តិការណ៍

នៅក្នុងពិធីនោះ លោកឧត្តមសេនីយ៍ទោ Robert Yaw Affram មេបញ្ជាការបេសកកម្ម UNISFA បានសង្កត់ធ្ងន់លើសារៈសំខាន់នៃទិវាសន្តិភាពអន្តរជាតិ ដែលជាទិវាត្រូវបានទទួលស្គាល់ និងប្រារព្ធជារៀងរាល់ឆ្នាំដោយអង្គការសហប្រជាជាតិ។ មេបញ្ជាការបេសកកម្ម UNISFA បានបញ្ជាក់ថា "ថ្ងៃទី ២១ ខែកញ្ញា មិនត្រឹមតែជាថ្ងៃសម្រាប់យើងប្រារព្ធទិវាសន្តិភាពអន្តរជាតិប៉ុណ្ណោះទេ ប៉ុន្តែក៏ជាថ្ងៃដើម្បី​យើងបញ្ជាក់ឡើងវិញនូវការប្តេជ្ញាចិត្តរបស់យើងចំពោះការថែរក្សាសន្តិភាព។ ការដើរហែក្បួននៅថ្ងៃនេះរបស់អង្គភាព UNISFA គឺជាការបង្ហាញយ៉ាងរស់រវើកនៃស្មារតីសាមគ្គីភាព និងការប្តេជ្ញាចិត្តក្នុងការកសាងពិភពលោកប្រកបដោយសន្តិភាព"។

មេបញ្ជាការបេសកកម្ម UNISFA ថ្នាក់ដឹកនាំមូលដ្ឋាន និងតំណាងទីស្ថាប័ននានាចូលរួមដើរហែក្បួនក្នុងទិវាសន្តិភាពអន្តរជាតិ

ចូលរួមក្នុងការដើរហែក្បួនមានតំណាងមេបញ្ជាការបេសកកម្ម UNISFA អាជ្ញាធរមូលដ្ឋាន និងកងកម្លាំងមកពីប្រទេសនានា

សម្រាប់នាយទាហាន និងយោធិនជំនាញនៃក្រុមវិស្វកម្មលេខ៣ វៀតណាម ការចូលរួមដើរហែក្បួន និងចូលរួមអបអរសាទរទិវាសន្តិភាពអន្តរជាតិនៅទីកន្លែងបំពេញភារកិច្ច គឺជាកិត្តិយសដ៏ខ្ពង់ខ្ពស់។

លោកវរសេនីយ៍ត្រី Cao Van Duoc ជំនួយការបច្ចេកទេសនៃក្រុមវិស្វកម្មលេខ៣ បានសង្កត់ធ្ងន់ថា៖ “យើងយល់ដឹងអំពីអត្ថន័យដ៏ពិសិដ្ឋនៅពេលបានរួមចំណែកក្នុងបេសកកម្មរក្សាសន្តិភាព និងជួយប្រជាជន Abyei។ នេះមិនត្រឹមតែជាបេសកកម្មប៉ុណ្ណោះទេ ថែមទាំងជាទំនួលខុសត្រូវរបស់ប្រទេសស្រលាញ់សន្តិភាពដូចវៀតណាមផងដែរ”។

ការដើរហែក្បួន ដើម្បីសន្តិភាពរំលឹកខួបទិវាសន្តិភាពអន្តរជាតិបានបញ្ចប់ដោយជោគជ័យ ជាថ្មីម្តងទៀតបានអះអាងនូវតួនាទីជាវិជ្ជមាន និងស្មារតីទទួលខុសត្រូវរបស់កងកម្លាំងរក្សាសន្តិភាពមកពីប្រទេសនានា រួមទាំងវៀតណាមក្នុងកិច្ចខិតខំប្រឹងប្រែងរួមដើម្បីពិភពលោកមួយប្រកបដោយ​សន្តិភាព និងវិបុលភាព៕

បកប្រែដោយ Duy Hoan