កិច្ចសហប្រតិបត្តិការលើវិស័យការពារជាតិវៀតណាម-ប្រ៊ុយណេ កាន់តែអភិវឌ្ឍន៍ជាក់ស្តែង និងប្រកបដោយប្រសិទ្ធភាព

លោកនាយឧត្តមសេនីយ៍ Nguyen Tan Cuong ទទួលស្វាគមន៍ លោកឧត្តមសេនីយ៍ត្រី Dato Paduka Seri Haji Muhammad Haszaimi Bin Bol Hassan

លោកនាយឧត្តមសេនីយ៍ Nguyen Tan Cuong និងលោកឧត្តមសេនីយត្រី Dato Paduka Seri Haji Muhammad Haszaimi Bin Bol Hassan ត្រួតពលកងកិត្តិយស

បន្ទាប់ពីពិធីទទួលបដិសណ្ឋារកិច្ច លោកនាយឧត្តមសេនីយ៍ Nguyen Tan Cuong និងលោកឧត្តមសេនីយ៍ត្រី Dato Paduka Seri Haji Muhammad Haszaimi Bin Bol Hassan បានជួបពិភាក្សាការងារ។

នៅក្នុងកិច្ចពិភាក្សានេះ ភាគីទាំងពីរបានពិភាក្សាអំពីស្ថានភាពពិភពលោក និងតំបន់ ព្រមទាំងបញ្ហាដែលមានការយកចិត្តទុកដាក់ដូចគ្នា។ លោកនាយឧត្តមសេនីយ៍ Nguyen Tan Cuong បានសង្កត់ធ្ងន់លើតួនាទីសំខាន់របស់អាស៊ានក្នុងការបង្កើត និងរក្សារចនាសម្ព័ន្ធសន្តិសុខក្នុងតំបន់ ជំរុញកិច្ចសហប្រតិបត្តិការសំខាន់ៗរវាងប្រទេសជាសមាជិកក៏ដូចជារវាងអាស៊ាន និងដៃគូនានា។ ទន្ទឹមនឹងនេះ វៀតណាមបានវាយតម្លៃខ្ពស់ចំពោះឯកសារយុទ្ធសាស្ត្រ “ADMM និង ADMM+ ត្រៀមខ្លួនសម្រាប់អនាគត” ដែលបង្កើតឡើងដោយប្រ៊ុយណេ និងសិង្ហបុរី ដែលត្រូវបានអនុម័តដោយកិច្ចប្រជុំ ADMM ក្នុងឆ្នាំ ២០២៤ និងគំនិតផ្តួចផ្តើម “សន្តិសុខនៃហេដ្ឋារចនាសម្ព័ន្ធដ៏សំខាន់ក្រោមទឹក” ដែលលើកឡើងដោយប្រ៊ុយណេ សិង្ហបុរី និងថៃក្នុងឆ្នាំ ២០២៥។

លោកនាយឧត្តមសេនីយ៍ Nguyen Tan Cuong និងឧត្តមសេនីយ៍ត្រី Dato Paduka Seri Haji Muhammad Haszaimi Bin Bol Hassan

ទិដ្ឋភាពនៃកិច្ចពីភាក្សា

ទាក់ទិននឹងស្ថានភាពនៅសមុទ្រខាងកើត វៀតណាមសង្ឃឹមថា ប្រ៊ុយណេនឹងបន្តសម្របសម្រួលដើម្បីជម្រុញគោលជំហររបស់អាស៊ានក្នុងការដោះស្រាយរាល់ជំលោះ និងការខ្វែងគំនិតគ្នាដោយសន្តិវិធី ស្របតាមច្បាប់អន្តរជាតិ រួមទាំងអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS)។ អនុវត្តយ៉ាងពេញលេញ និងប្រកបដោយប្រសិទ្ធភាព សេចក្តីថ្លែងការណ៍ស្តីពីការប្រតិបត្តិរបស់ភាគីនានានៅសមុទ្រខាងកើត (DOC) ឆាប់បញ្ចប់ការចរចារ និងចុះហត្ថលេខាលើក្រមប្រតិបត្តិនៅសមុទ្រខាងកើត (COC) ប្រកបដោយប្រសិទ្ធភាព ស្របតាមច្បាប់អន្តរជាតិ។

គួររំលឹកថា លោកឧត្តមសេនីយ៍ត្រី Dato Paduka Seri Haji Muhammad Haszaimi Bin Bol Hassan និងគណៈប្រតិភូប្រ៊ុយណេ បានដាក់កម្រងផ្កានៅស្តូបវីរៈយុទ្ធជនពលី ដាក់កម្រងផ្កា និងអញ្ជើញចូលវិមានតម្តល់សពគោរពវិញ្ញាណក្ខន្ធលោកប្រធានហូជីមិញ៕

បកប្រែដោយ Duy Hoan