គណៈប្រតិភូយោធិនសហព័ន្ធរុស្ស៊ីដែលចូលរួមដង្ហែក្បួនព្យុហយាត្រាបានមកដល់ទីក្រុងហាណូយ

បន្ទាប់ពីពិធីស្វាគមន៍ គណៈប្រតិភូបានធ្វើដំណើរទៅកន្លែងស្នាក់នៅតាមការគ្រោងទុក ត្រៀមខ្លួនជាស្រេចចូលរួមកម្មវិធីហ្វឹកហាត់ និងអនុវត្តសកម្មភាពដង្ហែក្បួនព្យុហយាត្រាក្នុងពិធីរំលឹកខួបនាពេលខាងមុខ។

រូបថតមួយចំនួននៃពិធីស្វាគមន៍គណៈប្រតិភូយោធិនសហព័ន្ធរុស្ស៊ីនៅអាកាសយានដ្ឋានអន្តរជាតិ Noi Bai នាថ្ងៃត្រង់ថ្ងៃទី ២០ ខែសីហា

ពិធីរំលឹកខួបលើកទី ៨០ នៃបដិវត្តន៍ខែសីហា និងទិវាបុណ្យឯករាជ្យជាតិទី ២ ខែកញ្ញា បានបញ្ជាក់ពីអត្ថន័យដ៏ធំធេង និងលើកតម្កើងសមិទ្ធិផលរបស់ប្រជាជនវៀតណាមក្នុងការតស៊ូរំដោះជាតិ ការបង្រួបបង្រួមជាតិ ការកសាង និងការពារមាតុភូមិ ក៏ដូចជាបុព្វហេតុផ្លាស់ថ្មី ដែលនាំវៀតណាមឈានចូលយុគសម័យនៃការរីកចម្រើនយ៉ាងខ្លាំងក្លាដូចសព្វថ្ងៃនេះ។

ព្រឹត្តិការណ៍នេះក៏ជាឱកាសសម្រាប់វៀតណាមសម្តែងនូវការដឹងគុណចំពោះការគាំទ្រ និងការជួយឧបត្ថម្ភរបស់មិត្តអន្តរជាតិ ដែលជាកត្តាសំខាន់នៃជោគជ័យនៃបដិវត្តខែសីហាកាលពីមុន និងការអភិវឌ្ឍរបស់វៀតណាមនាពេលបច្ចុប្បន្ន។

គណៈប្រតិភូយោធិនសហព័ន្ធរុស្ស៊ីដែលចូលរួមដង្ហែក្បួនព្យុហយាត្រា មកដល់ទីក្រុងហាណូយ

ការដែលក្រសួងការពារប្រទេសវៀតណាមបានអញ្ជើញក្រសួងការពារជាតិនៃបណ្តាប្រទេសជាមិត្តប្រពៃណីមកចូលរួមពិធីរំលឹកខួប និងចាត់បញ្ជូនកងកម្លាំងចូលរួមដង្ហែក្បួនព្យុហយាត្រា បង្ហាញពីចំណងមិត្តភាព សាមគ្គីភាព និងភាពជិតស្និទ្ធរវាងប្រជាជន និងកងទ័ពវៀតណាម ជាមួយប្រទេសជាមិត្ត ព្រមទាំងអះអាងនូវគោលការណ៍ការបរទេសឯករាជ្យ ភាពម្ចាស់ការ ពហុភាគីភាវូបនីយកម្ម ធ្វើពិពិធកម្ម វៀតណាមជាមិត្ត ជាដៃគូដែលអាចទុកចិត្តបានរបស់ប្រទេសទាំងឡាយ និងជាសមាជិកមានការទទួលខុសត្រូវរបស់សហគមន៍អន្តរជាតិ៕

បកប្រែដោយ Huyen Trang