នាថ្ងៃទី ១១ ខែតុលា នៅទីក្រុង Sendai ភាគឦសានប្រទេសជប៉ុន សាកលវិទ្យាល័យ Tohoku ដែលជាស្ថាប័នស្រាវជ្រាវផ្នែកអប់រំ និងវិទ្យាសាស្ត្រឈានមុខគេមួយនៅក្នុងប្រទេសជប៉ុន និងពិភពលោកដែលមានប្រវត្តិជាង ១០០ ឆ្នាំ បានប្រារព្ធពិធីប្រគល់រង្វាន់អន្តរជាតិ Tohoku ជូនអ្នកវិទ្យាសាស្ត្របរទេស រួមទាំងអ្នកវិទ្យាសាស្ត្រវៀតណាមផងដែរ។
ពានរង្វាន់អន្តរជាតិ Tohoku ត្រូវបានផ្តល់រង្វាន់ជាលើកដំបូងក្នុងឆ្នាំ ២០២២ ដើម្បីលើកតម្កើងអង្គការ និងបុគ្គលដែលមានការរួមចំណែកឆ្នើមចំពោះកិច្ចសហប្រតិបត្តិការស្រាវជ្រាវ និងបណ្តុះបណ្តាលវិទ្យាសាស្ត្រជាសកល ក៏ដូចជាដើម្បីទទួលស្គាល់គំនិតផ្តួចផ្តើមដែលមានឥទ្ធិពលជាវិជ្ជមាន និងរយៈពេលវែង។ លោកសាស្ត្រាចារ្យបណ្ឌិត Nguyen Trung Viet សាកលវិទ្យាធិការ នៃសាកលវិទ្យាល័យធារាសាស្រ្តវៀតណាម ត្រូវបានជ្រើសរើសសម្រាប់ប្រភេទដ៏មានកិត្យានុភាពគឺ “ពានរង្វាន់រួមវិភាគទានជាលក្ខណៈអន្តរជាតិ”។
លោកបណ្ឌិត Nguyen Trung Viet មានតួនាទីស្នូលក្នុងកិច្ចសហប្រតិបត្តិការស្រាវជ្រាវរវាងសាកលវិទ្យាល័យទាំងពីរ ក៏ដូចជាការណែនាំនិស្សិតថ្នាក់បណ្ឌិត រួមចំណែកបណ្តុះបណ្តាលបំប៉ន់អ្នកប្រាជ្ញវ័យក្មេងវៀតណាមក្នុងកម្មវិធីបណ្ឌិត និងការស្រាវជ្រាវរួមគ្នា។
មុនពេលពានរង្វាន់អន្តរជាតិ Tohoku នៅខែមិថុនា ឆ្នាំ ២០២២ លោកសាស្រ្តាចារ្យបណ្ឌិត Nguyen Trung Viet បានទទួល “ពានរង្វាន់សហប្រតិបត្តិការអន្តរជាតិ” ក្នុងវិស័យសំណង់ពីសមាគមវិស្វករសំណង់ស៊ីវិលជប៉ុន (JSCE)។
បកប្រែដោយ Thanh Cong
Type the code from the image