វៀតណាមចូលរួមចំណែកជាក់ស្តែងក្នុងសម័យប្រជុំលើកទី៦០ នៃក្រុមប្រឹក្សាសិទ្ធិមនុស្សអង្គការសហប្រជាជាតិ

នៅក្នុងសម័យប្រជុំនេះ វៀតណាមបានស្ថាបនា និងបង្ហាញសុន្ទរកថារួម ស្តីពីការជំរុញសិទ្ធិមនុស្សក្នុងការទទួលបានការចាក់វ៉ាក់សាំង ដែលមកទល់ពេលនេះ ត្រូវបានគាំទ្រដោយប្រទេសចំនួន ៥១ នៅទ្វីបទាំងប្រាំ។

លោក Cung Duc Han អនុប្រធានស្ថានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិ (ទីបួនពីឆ្វេង) និងសមាជិកនៃគណៈប្រតិភូអន្តរវិស័យវៀតណាម ក្នុងសម័យប្រជុំបោះឆ្នោតលើសេចក្តីសម្រេចចិត្ត (រូបថត៖ vnanet.vn)

ក្នុងសម័យប្រជុំនេះ គណៈប្រតិភូវៀតណាមបានបញ្ជាក់យ៉ាងច្បាស់ពីគោលជំហររបស់វៀតណាមក្នុងការជំរុញ និងការពារសិទ្ធិមនុស្សរបស់ប្រជាជនគ្រប់រូប; ចែករំលែកវិធានការដែលវៀតណាមបានអនុវត្តដើម្បីលើកកម្ពស់ និងការពារសិទ្ធិរបស់ក្រុមងាយរងគ្រោះ។ គណៈប្រតិភូវៀតណាមបានចូលរួមយ៉ាងសកម្មក្នុងគ្រប់សកម្មភាពរបស់ក្រុមប្រឹក្សា ពីការផ្លាស់ប្តូរ ការពិគ្រោះយោបល់ទ្វេភាគី និងពហុភាគីជាមួយគណៈប្រតិភូនៃបណ្តាប្រទេសរហូតដល់ការរួមចំណែកក្នុងខ្លឹមសារនៃឯកសារ សហការឧបត្ថម្ភគំនិតផ្តួចផ្តើម និងសេចក្តីថ្លែងការណ៍រួមជាច្រើនក្នុងស្មារតីនៃកិច្ចសន្ទនា និងកិច្ចសហប្រតិបត្តិការ។

លទ្ធផលលេចធ្លោបន្ទាប់ពីប្រជុំអស់រយៈពេលជិត ៥ សប្តាហ៍ជាប់ៗគ្នានៃសម័យប្រជុំលើកទី ៦០ របស់អង្គការសហប្រជាជាតិ គឺសេចក្តីប្រកាស និងសេចក្តីសម្រេចចិត្តរបស់ប្រធានក្រុមប្រឹក្សាសិទ្ធិមនុស្ស និងសេចក្តីសម្រេចចិត្តចំនួន ៣៦ ត្រូវបានអនុម័ត៕

តាម vovworld.vn