នាថ្ងៃទី ១០ តុលា នៅទីក្រុងតូក្យូ ប្រទេសជប៉ុន ស្ថានទូតវៀតណាមប្រចាំនៅជប៉ុនបានរៀបចំពិធីប្រគល់​​សេចក្តីសម្រេចតែងតាំង​កុងស៊ុលកិត្តិយសវៀតណាមប្រចាំនៅទីក្រុង Nagoya ខេត្ត Aichi។ ការសម្រេចចិត្តតែងតាំងកុងស៊ុលកិត្តិយសនៃប្រទេសវៀតណាមនៅទីក្រុង Nagoya ដែលមានតំបន់កុងស៊ុលគ្របដណ្តប់លើខេត្ត Aichi ទាំងមូល មានសុពលភាពរយៈពេល ៣ ឆ្នាំ។ សេចក្តីសម្រេចចិត្ត​នេះត្រូវបានប្រគល់ជូនលោកសាស្ត្រាចារ្យបណ្ឌិត Natsume Nagato ពីលោក Pham Quang Hieu ឯកអគ្គរដ្ឋទូតវៀតណាមប្រចាំនៅប្រទេសជប៉ុន  ដែលត្រូវបានអនុញ្ញាតពី​ថ្នាក់ដឹកនាំនៃក្រសួងការបរទេសវៀតណាម។

leftcenterrightdel
លោក Pham Quang Hieu ឯកអគ្គរដ្ឋទូតវៀតណាមប្រចាំនៅជប៉ុន (ឆ្វេង) ប្រគល់សេចក្តីសម្រេចចិត្ត​តែងតាំងលោក Natsume ជាកុងស៊ុលកិត្តិយស (រូបថត៖ PV/VOV-Tokyo)

លោក Natsume ជាសាស្រ្តាចារ្យនៅសាកលវិទ្យាល័យ Aichigakuin ហើយត្រូវបានតែងតាំងជាកុងស៊ុលកិត្តិយសវៀតណាមក្នុងឆ្នាំ ២០១៧។ ចំពោះការរួមចំណែកជាវិជ្ជមានចំពោះទំនាក់ទំនងវៀតណាម-ជប៉ុន លោកមានកិត្តិយសដែលបានទទួលគ្រឿងឥស្សរិយយស​ពលកម្ម​​ថ្នាក់ទីពីរពីប្រធានរដ្ឋ​នៃសាធារណរដ្ឋសង្គមនិយមវៀតណាមក្នុងខែមេសា ឆ្នាំ ២០១៦៕

បកប្រែដោយ Duy Hoan