ក្រុមសិល្បៈនៃកងទ័ពប្រជាជនឡាវផ្លាស់ប្តូរ និងសម្តែងសិល្បៈនៅកងពលធំលេខ៣៧២ ប្រភេទទ័ពការពារដែនអាកាស - ទ័ពជើងអាកាស

ក្រុមសិល្បៈនៃកងទ័ពប្រជាជនឡាវដឹកនាំដោយលោកវរសេនីយ៍ឯក Saysana SaLermsack អនុប្រធាននាយកដ្ឋានឃោសនាអប់រំ អគ្គស្នងការដ្ឋាននយោបាយនៃកងទ័ពប្រជាជនឡាវ។

ក្រុមសិល្បៈនៃកងទ័ពប្រជាជនឡាវ បានទៅទស្សនាផ្ទះប្រពៃណីនៃកងពលធំលេខ៣៧២ ស្តាប់ការឧទ្ទេសនាមអំពីប្រពៃណី ការបង្វឹកបង្ហាត់ ការត្រៀមខ្លួនប្រយុទ្ធជាស្រេច ការការពារដែនអាកាសរបស់អង្គភាព និងសកម្មភាពមួយចំនួនដើម្បីអបអរសាទរខួបលើកទី ៨០  នៃបដិវត្តន៍ខែសីហា និងទិវាបុណ្យឯករាជ្យជាតិរបស់វៀតណាម។

ការសម្តែងមួយចំនួននៅក្នុងកម្មវិធីផ្លាស់ប្តូរសិល្បៈ

ក្នុងជំនួបនេះ លោកវរសេនីយ៍ឯក Tran Tien Tung មេបញ្ជាការកងពលធំលេខ៣៧២ បានថ្លែងអំណរគុណ និងជូនពរក្រុមសិល្បៈនៃកងទ័ពប្រជាជនឡាវ មានសុខភាពល្អ។ ទន្ទឹមនឹងនោះ លោកបានអះអាងថា សកម្មភាពផ្លាស់ប្តូរ និងសម្តែងសិល្បៈរបស់ក្រុមមានអត្ថន័យយ៉ាងជ្រាលជ្រៅ ផ្សព្វផ្សាយតម្លៃវប្បធម៌ និងប្រវត្តិសាស្ត្រនៃប្រជាជាតិទាំងពីរ រួមចំណែកពង្រឹងទំនាក់ទំនងមិត្តភាពជាប្រពៃណី និងសាមគ្គីភាពពិសេសវៀតណាម-ឡាវ។

តាងនាមគណៈប្រតិភូ លោកវរសេនីយ៍ឯក Saysana SaLermsack បានសម្តែងថា “យើងមានមោទនភាពដែលមានឱកាសសម្តែង និងផ្លាស់ប្តូរនៅប្រទេសវៀតណាម។ នេះជាឱកាសដ៏មានតម្លៃសម្រាប់សិល្បករ សិល្បការិនី នាយទាហាន និងយុទ្ធជននៃប្រទេសទាំងពីរពង្រឹងចំណងសាមគ្គី មិត្តភាព ផ្លាស់ប្តូរ និងរៀនសូត្រពីគ្នាទៅវិញទៅមក”៕

បកប្រែដោយ Thuy Anh