គណៈប្រតិភូនាយទាហានកាសែតកងទ័ពប្រជាជនឡាវ បំពេញទស្សនកិច្ចការងារនៅខេត្ត Tuyen Quang

ក្នុងជំនួបនេះ លោកវរសេនីយ៍ឯក Nguyen Thanh An អនុប្រធាននយោបាយនៃបញ្ជាការដ្ឋានយោធាខេត្ត Tuyen Quang បានឧទ្ទេសនាមអំពីប្រពៃណី ប្រវត្តិសាស្ត្រ វប្បធម៌ និងលទ្ធផលមួយចំនួនក្នុងការងារយោធា-ការពារជាតិនៅមូលដ្ឋាន នាពេលកន្លងមកនេះ។ លោកបានបញ្ជាក់ពីទំនាក់ទំនងល្អរវាងបញ្ជាការដ្ឋានយោធាខេត្ត Tuyen Quang និងបញ្ជាការដ្ឋានយោធាខេត្ត Phongsaly (ប្រទេសឡាវ)។

ប្រតិភូទាំងឡាយថតរូបជាមួយគ្នា

ក្នុងនាមគណៈប្រតិភូ លោកវរសេនីយ៍ទោ Aphai Aphaiyavong បានថ្លែងអំណរគុណដល់អង្គភាពដែលស្វាគមន៍យ៉ាងកក់ក្តៅ។ ទន្ទឹមនឹងនោះ លោកបានអះអាងថា ដំណើរទស្សនកិច្ចនេះ គឺជាឱកាសមួយដើម្បីចែករំលែកបទពិសោធន៍ សមិទ្ធិផល ប្រៀបខ្លាំង និងពង្រឹងថែមទៀតនូវទំនាក់ទំនងរវាងកាសែតកងទ័ពប្រជាជនឡាវ និងបញ្ជាការដ្ឋានយោធាខេត្ត Tuyen Quang។ នារសៀលថ្ងៃដដែល គណៈប្រតិភូបានទៅអុជធូបនៅតំបន់បេតិកភណ្ឌជាតិពិសេស Tan Trao (ឃុំ Tan Trao ខេត្ត Tuyen Quang)៕

បកប្រែដោយ Thuy Anh