គណៈប្រតិនៃកាសែតកងទ័ពប្រជាជនឡាវទស្សនកិច្ចនៅកាសែតកងទ័ពប្រជាជនវៀតណាម

ទទួលស្វាគមន៍គណៈប្រតិភូ ខាងភាគីកាសែតកងទ័ពប្រជាជនវៀតណាមមានលោកឧត្តមសេនីយ៍ត្រី Doan Xuan Bo លេខាគណៈកម្មាធិការបក្ស អគ្គនិពន្ធនាយក លោកវរសេនីយ៍ឯក Nguyen Hong Hai អគ្គនិពន្ធនាយករង តំណាងថ្នាក់ដឹកនាំការិយាល័យមួយចំនួន...

លោកវរសេនីយ៍ទោ Aphai Aphaiyavong ជូនវត្ថុអនុស្សាវរីយ៍ដល់កាសែតកងទ័ពប្រជាជន (រូបថត៖ DANG CUONG)

លោកឧត្តមសេនីយ៍ត្រី Doan Xuan Bo លេខាគណៈកម្មាធិការបក្ស អគ្គនិពន្ធនាយកកាសែតកងទ័ពប្រជាជន ជូនអំណោយដល់គណៈប្រតិភូកាសែតកងទ័ពប្រជាជនឡាវ (រូបថត៖ DANG CUONG)

តាងនាមគណៈកម្មាធិការបក្ស គណៈនិពន្ធ អ្នកសារព័ត៌មាន បុគ្គលិក យុទ្ធជន និងកម្មករនៃកាសែតកងទ័ពប្រជាជន លោកវរសេនីយ៍ឯក Nguyen Hong Hai អគ្គនិពន្ធនាយករងនៃកាសែតកងទ័ពប្រជាជនវៀតណាមបានសម្តែងនូវសេចក្តីរីករាយដែលបានទទួលស្វាគមន៍គណៈប្រតិភូ។ លោកបានសង្កត់ធ្ងន់ថា ដំណើរទស្សនកិច្ចលើកនេះរបស់គណៈប្រតិភូកាសែតកងទ័ពប្រជាជនឡាវបានរួមចំណែកពង្រឹងថែមទៀតនូវទំនាក់ទំនងមិត្តភាពពិសេសវៀតណាម-ឡាវ។ លោកវរសេនីយ៍ឯក Nguyen Hong Hai បានជូនពរគណៈប្រតិភូទទួលបានលទ្ធផលល្អ ទទួលបានចំណេះដឹង និងបទពិសោធន៍ដ៏មានប្រយោជន៍ ព្រមទាំងមានចំណាប់អារម្មណ៍ និងអនុស្សាវរីយ៍ល្អៗជាច្រើនក្នុងអំឡុងពេលបណ្តុះបណ្តាលនៅវៀតណាម។

លោកវរសេនីយ៍ឯក Nguyen Hong Hai មានប្រសាសន៍ក្នុងជំនួប

មានប្រសាសន៍ក្នុងជំនួប លោកវរសេនីយ៍ឯក Aphai Aphaiyavong បានសម្តែងនូវកិត្តិយសដែលបានដឹកនាំគណៈប្រតិភូមកទស្សនា និងធ្វើការជាមួយកាសែតកងទ័ពប្រជាជន ហើយទន្ទឹមនឹងនោះបានណែនាំអំពីទិដ្ឋភាពទូទៅនៃការបង្កើត ការអភិវឌ្ឍ និងរចនាសម្ព័ន្ធរបស់កាសែតកងទ័ពប្រជាជនឡាវ។

ក្នុងរយៈពេល ៦០ ឆ្នាំកន្លងមកនេះ កាសែតកងទ័ពប្រជាជនឡាវបានរីកចម្រើន និងមានភាពចាស់ទុំ ដែលពីមុនមានតែការសែតបោះពុម្ពប្រចាំថ្ងៃទេ ឥឡូវនេះមានការអភិវឌ្ឍន៍នៃកាសែតកងទ័ពប្រជាជនឡាវអនឡាញ ជាពីរភាសា៖ ឡាវ និងអង់គ្លេស។ ជាពិសេសនាពេលខាងមុខ កាសែតកងទ័ពប្រជាជនឡាវនឹងមាន​កាសែតកងទ័ពប្រជាជនឡាវអនឡាញជាភាសារវៀតណាម

លោកវរសេនីយ៍ទោ Aphai Aphaiyavong មានប្រសាសន៍ក្នុងជំនួប (រូបថត៖ DANG CUONG)

លោកវរសេនីយ៍ឯក Aphai Aphaiyavong បានថ្លែងអំណរគុណយ៉ាងស្មោះស្ម័គ្រចំពោះកាសែតកងទ័ពប្រជាជនសម្រាប់ការស្វាគមន៍យ៉ាងកក់ក្តៅ និងបានបង្កើតលក្ខខណ្ឌអំណោយផលសម្រាប់គណៈប្រតិភូសារព័ត៌មានកងទ័ពប្រជាជនឡាវដើម្បីស្វែងយល់ និងផ្លាស់ប្តូរសកម្មភាពវិជ្ជាជីវៈក្នុងវិស័យសារព័ត៌មាន និងបានអះអាងថា ដំណើរទស្សនកិច្ចនេះ បានរួមចំណែកពង្រឹងចំណងសាមគ្គីភាព ចែករំលែក និងផ្លាស់ប្តូរសកម្មភាពវិជ្ជាជីវៈ រវាងសារព័ត៌មានយោធានៃប្រទេសទាំងពីរ ធ្វើជាមូលដ្ឋានក្នុងការផ្តល់យោបល់ជូនថ្នាក់ដឹកនាំក្រសួងការពារជាតិ និងអគ្គស្នងការដ្ឋាននយោបាយ នៃកងទ័ពប្រជាជននៃប្រទេសទាំងពីរ នូវដំណោះស្រាយ ដើម្បីជំរុញកិច្ចសហប្រតិបត្តិការលើវិស័យសារព័ត៌មានក្នុងឆ្នាំបន្តបន្ទាប់ទៀត។

គណៈប្រតិភូនៃកាសែតកងទ័ពប្រជាជនឡាវបានទៅទស្សនាស្ទូឌីយ៉ូនៃកាសែតកងទ័ពប្រជាជនវៀតណាម។ រូបថត៖ DANG CUONG

គណៈប្រតិភូនៃកាសែតកងទ័ពប្រជាជនឡាវ និងកម្មាភិបាល អ្នកសារព័ត៌មាននៃកាសែតកងទ័ពប្រជាជនវៀតណាមបានថតរូបជុំគ្នា។ រូបថត៖ DANG CUONG

នាពេលខាងមុខ លោកវរសេនីយ៍ទោ Aphai Aphaiyavong បានស្នើឲ្យ កាសែតកងទ័ពប្រជាជនវៀតណាម និងទីភ្នាក់ងារសារព័ត៌មាននានានៃកងទ័ពប្រជាជនឡាវ ពង្រឹងកិច្ចសហប្រតិបត្តិការលើវិស័យបណ្តុះបណ្តាល និងជំរុញអ្នកសារព័ត៌មាន អ្នកនិពន្ធ ឲ្យចែករំលែកព័ត៌មាន និងផ្លាស់ប្តូរជំនាញ អនុវត្តល្អថែមទៀតនូវការងារឃោសនារបស់អង្គភាពសារព័ត៌មានយោធានៃប្រទេសទាំងពីរ ឲ្យកាន់តែល្អប្រសើរ រួមចំណែកពង្រឹងទំនាក់ទំនងមិត្តភាព និងកិច្ចសហប្រតិបត្តិការរវាងឡាវ-វៀតណាម កាន់តែរីកចម្រើនខ្លាំងក្លាថែមទៀត។

បកប្រែដោយ Duy Hoan