លោកឧត្តមសេនីយ៍ឯក Trinh Van Quyet ជួបសវនាការជាមួយ​ប្រធានអគ្គស្នងការនយោបាយនៃបណ្តាកងកម្លាំងប្រដាប់អាវុធបដិវត្តគុយបា

លោកឧត្តមសេនីយ៍ឯក Trinh Van Quyet ជួបសវនាការជាមួយ​ប្រធានអគ្គស្នងការនយោបាយនៃបណ្តាកងកម្លាំងប្រដាប់អាវុធបដិវត្តគុយបា

លោកឧត្តមសេនីយ៍ឯក Trinh Van Quyet បានថ្លែងអំណរគុណចំពោះគណៈប្រតិភូនៃក្រសួងបណ្តាកងកម្លាំងប្រដាប់អាវុធបដិវត្តគុយបាដែលបានចូលរួមពិធីរំលឹកខួបលើកទី ៥០ នៃទិវារំដោះភាគខាងត្បូង និងការបង្រួបបង្រួមជាតិ។ លោកអះអាងថា វៀតណាមចងចាំជានិច្ចនូវជំនួយដ៏ស្មោះស្ម័គ្ររបស់ប្រជាជនគុយបា និងបណ្តាកងកម្លាំងប្រដាប់អាវុធបដិវត្តន៍។ លោកឧត្តមសេនីយ៍ឯក Trinh Van Quyet បានវាយតម្លៃថា ក្នុងរយៈពេលកន្លងមក ដោយផ្អែកលើអនុស្សរណៈយោគយល់គ្នាស្តីពីកិច្ចសហប្រតិបត្តិការលើការងារបក្ស និងការងារនយោបាយក្នុងជួរកងទ័ព (ចុះហត្ថលេខាក្នុងខែធ្នូ ឆ្នាំ២០២២) ខ្លឹមសារនៃកិច្ចសហប្រតិបត្តិការដែលបានឯកភាពដោយថ្នាក់ដឹកនាំនៃភាគីទាំងពីរ កិច្ចសហប្រតិបត្តិការក្នុងការងារបក្ស និងការងារនយោបាយសម្រេចបានលទ្ធផលសំខាន់ៗជាច្រើន ជាពិសេសគឺការបញ្ចប់ភាគទី៥ និងភាគទី៤ នៃភាពយន្តឯកសារ “បេះដូងពីរលោតក្នុងចម្វាក់តែមួយ” រួមទាំងការផ្លាស់ប្តូរបទពិសោធន៍ក្នុងការទប់ស្កាត់ និងប្រយុទ្ធប្រឆាំងនឹងឧបាយកលបំផ្លិចបំផ្លាញរបស់កងកម្លាំងអរិភាព។

លោកឧត្តមសេនីយ៍ឯក Trinh Van Quyet ប្រគល់វត្ថុអនុស្សាវរីយ៍​ជូន​លោកឧត្តមសេនីយ៍ទោ Víctor Leonardo Rojo Ramos

លោកឧត្តមសេនីយ៍ឯក Trinh Van Quyet បានអះអាងថា នាពេលខាងមុខ អគ្គស្នងការដ្ឋាននយោបាយនៃកងទ័ពប្រជាជនវៀតណាមនឹងបន្តដឹកនាំស្ថាប័ន អង្គភាពពាក់ព័ន្ធអនុវត្តជាក់ស្តែង និងប្រកបដោយប្រសិទ្ធភាពនូវខ្លឹមសារដែលបានឯកភាពរបស់ភាគីទាំងពីរ។ ក្នុងបរិបទដែលប្រទេសទាំងពីររៀបចំពិធីរំលឹកខួបលើកទី ៦៥ នៃការបង្កើតទំនាក់ទំនងការទូត (ថ្ងៃទី ២ ខែធ្នូ ឆ្នាំ ១៩៦០ / ថ្ងៃទី ២ ខែធ្នូ ឆ្នាំ ២០២៥) និងឆ្នាំ ២០២៥ ត្រូវបានថ្នាក់ដឹកនាំជាន់ខ្ពស់នៃប្រទេសទាំងពីរបានឯកភាពថាជា "ឆ្នាំមិត្តភាពវៀតណាម-គុយបា" លោកឧត្តមសេនីយ៍ឯក Trinh Van Quyet សង្ឃឹមថាភាគីទាំងពីរនឹងធ្វើការសម្របសម្រួលអនុវត្តប្រកបដោយប្រសិទ្ធភាព និងទូលំទូលាយនូវសកម្មភាពផ្សព្វផ្សាយក្នុងឱកាសនោះ ដើម្បីប្រជាជននៃប្រទេសទាំងពីរ និងមិត្តភក្តិអន្តរជាតិ ជាពិសេសយុវជនជំនាន់ក្រោយបានយល់កាន់តែច្បាស់អំពីទំនាក់ទំនងប្រពៃណីពិសេសរវាងប្រទេសទាំងពីរ និងកងទ័ពទាំងពីរ។

លោកឧត្តមសេនីយ៍ឯក Trinh Van Quyet និងលោកឧត្តមសេនីយ៍ទោ Víctor Leonardo Rojo Ramos ជាមួយ​ប្រតិភូទាំង​ឡាយ

លោកឧត្តមសេនីយ៍ទោ Víctor Leonardo Rojo Ramos បានសម្តែងការចាប់អារម្មណ៍ចំពោះសកម្មភាពអបអរសាទរខួបលើកទី ៥០ នៃទិវារំដោះភាគខាងត្បូង និងការបង្រួបបង្រួមជាតិ ក៏ដូចជាការអភិវឌ្ឍរបស់កងទ័ពប្រជាជនវៀតណាមនិយាយដោយឡែក និងវៀតណាមនិយាយរួម។ លោកវាយតំលៃខ្ពស់ចំពោះបក្សកុម្មុយនិស្តវៀតណាមដឹកនាំដោយលោក To Lam អគ្គលេខាបក្ស ដែលកំពុងខិតខំប្រឹងប្រែងដើម្បីនាំប្រទេសជាតិឆ្ពោះទៅរកយុគសម័យនៃការអភិវឌ្ឍថ្មី។ លោកជូនពរវៀតណាមរៀបចំមហាសន្និបាតបក្សលើកទី១៤ ឆ្នាំ២០២៦ ដោយជោគជ័យ។ លោកឧត្តមសេនីយ៍ទោ Víctor Leonardo Rojo Ramos បានសង្កត់ធ្ងន់ថា កិច្ចសហប្រតិបត្តិការលើវិស័យការពារជាតិទ្វេភាគីមានប្រសិទ្ធភាពលើវិស័យជាច្រើន រួមទាំងការងារបក្ស និងការងារនយោបាយ។ លោកបានវាយតម្លៃខ្ពស់ចំពោះការបញ្ចប់ភាគទី ៤ និងទី ៥ នៃភាពយន្តឯកសារ "បេះដូងពីរលោតក្នុងចម្វាក់តែមួយ" ដែលរួមចំណែកលើកកម្ពស់យ៉ាងទូលំទូលាយនូវទំនាក់ទំនងប្រពៃណីពិសេសរវាងប្រទេសទាំងពីរ និងកងទ័ពទាំងពីរ៕

បកប្រែដោយ Duy Hoan