បញ្ចប់ការស្វែងរកនៅមន្ទីរពេទ្យ Ottara Thiri ត្រៀមខ្លួនសម្រាប់បេសកកម្មបន្ទាប់

ជាលទ្ធផល ក្រុមបេសកកម្មបានយកសាកសពជនរងគ្រោះចំនួន២នាក់ទៀតមកប្រគល់ជូនក្រុមគ្រួសារជនរងគ្រោះ។ នៅខាងក្រៅមន្ទីរពេទ្យ Ottara Thiri ក្រុមគ្រូពេទ្យបានបន្តបោះតង់ ដើម្បីពិនិត្យ ព្យាបាល និងផ្តល់ថ្នាំដោយឥតគិតថ្លៃដល់ប្រជាពលរដ្ឋក្នុងមូលដ្ឋានចំនួន ៣៩នាក់។

គិតត្រឹមថ្ងៃទី៥ ខែមេសា ក្រុមបេសកកម្មនៃកងទ័ពប្រជាជនវៀតណាមបានស្វែងរក រកឃើញ និងនាំយកសាកសពជនរងគ្រោះចំនួន២០នាក់ ដែលកប់ក្នុងគំនរបាក់បែក ក្នុងនោះមានសាកសពចំនួន ១៦ នាក់ នៅមន្ទីរពេទ្យ Ottara Thiri។

កម្លាំងសង្គ្រោះកងទ័ពប្រជាជនវៀតណាម បានសម្របសម្រួលជាមួយកងកម្លាំងសង្គ្រោះមីយ៉ាន់ម៉ា ដើម្បីស្វែងរកជនរងគ្រោះនៅមន្ទីរពេទ្យ Ottara Thiri

លោកវរសេនីយ៍ឯក Pham Tan Phong អនុប្រធាននាយកដ្ឋានរក្សាសន្តិភាពវៀតណាម អនុប្រធានក្រុមបេសកកម្មនៃកងទ័ពប្រជាជនវៀតណាម បានចូលរួមរំលែកទុក្ខ និងលើកទឹកចិត្តដល់សាច់ញាតិជនរងគ្រោះបាត់បង់ជីវិត

លោកវរសេនីយ៍ឯក Pham Tan Phong អនុប្រធាននាយកដ្ឋានរក្សាសន្តិភាពវៀតណាម អនុប្រធានក្រុមបេសកកម្មនៃកងទ័ពប្រជាជនវៀតណាម នាំយកអំណោយឧបត្ថម្ភដល់គ្រួសារជនរងគ្រោះបាត់បង់ជីវិត

ដោយសម្តែងការដឹងគុណចំពោះការជួយគាំទ្ររបស់ក្រុមបេសកកម្មនៃកងទ័ពប្រជាជនវៀតណាម ដែលមិនខ្លាចការលំបាក និងគ្រោះថ្នាក់ ចូលចូលរួមជម្នះផលវិបាកនៃការរញ្ជួយដីនៅប្រទេសមីយ៉ាន់ម៉ា កាលពីថ្ងៃទី ៥ ខែមេសា គ្រួសារជនរងគ្រោះបាត់បងជីវិត​ដោយសារការរញ្ជួយដីមួយចំនួននៅរដ្ឋធានី Naypyidaw បានទៅកាន់មន្ទីរពេទ្យ Ottara Thiri ដើម្បីថ្លែងអំណរគុណដល់ក្រុមបេសកកម្មនៃកងទ័ពប្រជាជនវៀតណាម។

នៅល្ងាចថ្ងៃដដែល ក្រុម​បេសកកម្ម​នៃ​កងទ័ពប្រជាជនវៀតណាមបានបញ្ចប់បេសកកម្មជួយសង្គ្រោះនៅមន្ទីរពេទ្យ Oattara Thiri ហើយបានត្រៀមខ្លួនរួចរាល់ដើម្បីបន្តបេសកកម្មបន្ទាប់ទៀត៕

បកប្រែដោយ Duy Hoan