វៀតណាម និងសាធារណរដ្ឋឆែកមានសក្ដានុពលជាច្រើនដើម្បីជំរុញកិច្ចសហប្រតិបត្តិការលើវិស័យការពារជាតិ

ទិដ្ឋភាពនៃកិច្ចពិភាក្សាការងារ (រូបថត៖ vnanet.vn)

លោកអនុរដ្ឋមន្ត្រី Daniel Blazkovec បានអបអរសាទរចំពោះវៀតណាមដែលបានរៀបចំពិព័រណ៍ការពារជាតិអន្តរជាតិឆ្នាំ ២០២៤ ប្រកបដោយជោគជ័យ ដោយមានការចូលរួមពីគណៈប្រតិភូក្រសួងការពារជាតិ និងសហគ្រាសការពារជាតិឆែកជាច្រើន។ លោកអនុរដ្ឋមន្ត្រី Daniel Blazkovec បានសង្កត់ធ្ងន់ថា សាធារណរដ្ឋឆែក និងវៀតណាមមានសក្ដានុពលជាច្រើនដើម្បីជំរុញកិច្ចសហប្រតិបត្តិការលើវិស័យការពារជាតិទ្វេភាគី។ លោកបានឲ្យដឹងថា សាធារណរដ្ឋឆែកមានបំណងចង់បន្ត ពង្រីកកិច្ចសហប្រតិបត្តិការឧស្សាហកម្មការពារជាតិជាមួយវៀតណាម។

លោកឧត្តមសេនីយ៍ឯក Pham Hoai Nam ផ្តល់វត្ថុអនុស្សាវរីយ៍ជូនអនុរដ្ឋមន្ត្រីក្រសួងការពារជាតិនៃសាធារណរដ្ឋឆែក (រូបថត៖ vnanet.vn)

លោកឧត្តមសេនីយ៍ឯក Pham Hoai Nam បានវាយតម្លៃខ្ពស់ចំពោះលទ្ធផលនៃកិច្ចសហប្រតិបត្តិការក្នុងរយៈពេលកន្លងមកវាងវៀតណាម និងសាធារណរដ្ឋឆែកនិយាយរួម និងរវាងក្រសួងការពារជាតិទាំងពីរនិយាយដោយឡែក។ លោកឧត្តមសេនីយ៍ឯក Pham Hoai Nam បានវាយតម្លៃខ្ពស់ចំពោះសំណើរបស់សាធារណរដ្ឋឆែកក្នុងការពង្រឹងកិច្ចសហប្រតិបត្តិការការពារជាតិទ្វេភាគី ព្រមទាំងសង្កត់ធ្ងន់ថា វៀតណាមក៏មានបំណងចង់ពង្រឹងកិច្ចសហប្រតិបត្តិការជាមួយសាធារណរដ្ឋឆែកលើវិស័យឧស្សាហកម្មការពារជាតិ និងបណ្តុះបណ្តាលធនធានមនុស្ស។ល។ លោកឧត្តមសេនីយ៍ឯក Pham Hoai Nam បានស្នើថា នាពេលខាងមុខ ដោយផ្អែកលើកិច្ចព្រមព្រៀងដែលបានចុះហត្ថលេខារវាងវៀតណាម និងសាធារណរដ្ឋឆែក ក្រសួងការពារជាតិនៃប្រទេសទាំងពីរត្រូវបន្តជំរុញកិច្ចសហប្រតិបត្តិការលើវិស័យដែលកំពុងអនុវត្តប្រកបដោយប្រសិទ្ធភាព និងជាក់ស្តែងថែមទៀត ស្រាវជ្រាវ និងជំរុញកិច្ចសហប្រតិបត្តិការលើវិស័យផ្សេងៗទៀត ស្របតាមសមត្ថភាព និងតម្រូវការរបស់ភាគីទាំងពីរ ដើម្បីនាំកិច្ចសហប្រតិបត្តិការលើវិស័យការពារជាតិទ្វេភាគីឡើងកម្រិតកម្ពស់ថ្មីមួយ ជាពិសេសក្នុងបរិបទដែលប្រទេសទាំងពីរបានតម្លើងទំនាក់ទំនងទៅជាដៃគូយុទ្ធសាស្ត្រ៕

បកប្រែដោយ Huyen Trang