គ្រូពេទ្យមួកខៀវវៀតណាម ផ្តល់អំណោយដល់អ្នកជំងឺនៅមន្ទីរពេទ្យ Bentiu

កម្មាភិបាល និងបុគ្គលិកមន្ទីរពេទ្យបានរៃអង្គាសអំណោយដ៏មានអត្ថន័យជាច្រើនជូនមន្ទីរពេទ្យ និងអ្នកជំងឺដែលកំពុងព្យាបាលនៅទីនេះ។ អំណោយរួមមាន វីតាមីន ទឹកសម្លាប់មេរោគ របាំងមុខ ស្រោមដៃ សម្លៀកបំពាក់ការពារ សៀវភៅកត់ត្រា ប៊ិច ប្រអប់លាបពណ៌... ថ្វីត្បិតតែអំណោយមានតិចតួចក៏ដោយ ប៉ុន្តែផ្តល់ការគាំទ្រជាក់ស្តែងសម្រាប់ការងារថែទាំសុខភាព និងនាំមកនូវសេចក្តីរីករាយដល់កុមារ។

ថ្នាក់ដឹកនាំមន្ទីរពេទ្យ Bentiu ទទួលអំណោយជាក់ស្តែងពីគ្រូពេទ្យវៀតណាម

យោធិននារីវៀតណាម ផ្តល់អំណោយដល់អ្នកជំងឺ

ថ្នាក់ដឹកនាំមន្ទីរពេទ្យ Bentiu បានសម្តែងនូវមនោសញ្ចេតនា និងការដឹងគុណចំពោះសេចក្តីស្រឡាញ់ដែលក្រុមគ្រូពេទ្យយោធាវៀតណាមជូនចំពោះមន្ទីរពេទ្យ និងអ្នកជំងឺក្រីក្រដែលកំពុងព្យាបាលនៅទីនេះ។ លោកបានសង្កត់ធ្ងន់ថា នេះមិនត្រឹមតែជាជំនួយសម្ភារៈប៉ុណ្ណោះទេ ប៉ុន្តែក៏ជាការលើកទឹកចិត្តអ្នកជំងឺ និងជួយបុគ្គលិកពេទ្យនៅមន្ទីរពេទ្យ Bentiu មានលក្ខខណ្ឌអំណោយផលក្នុងការព្យាបាល និងថែទាំសុខភាពជូនប្រជាពលរដ្ឋ។

សកម្មភាពនេះមានអត្ថន័យមនុស្សធម៌យ៉ាងជ្រាលជ្រៅ បង្ហាញពីស្មារតីទទួលខុសត្រូវ និងក្តីមេត្តារបស់កងកម្លាំងពេទ្យយោធាវៀតណាមដែលចូលរួមក្នុងបេសកកម្មរក្សាសន្តិភាពអន្តរជាតិ៕

បកប្រែដោយ Duy Hoan