កងទ័ពជើងទឹកវៀតណាមចូលរួមសិក្ខាសាលាស្តីពីសន្តិសុខនាវាចរណ៍អន្តរជាតិ

លោកឧត្តមនាវីត្រី Pham Van Hung (កណ្ដាល) ចូលរួមសិក្ខាសាលា

សិក្ខាសាលាក្រោមប្រធានបទ “ដោះស្រាយបញ្ហាប្រឈមសន្តិសុខនាវាចរណ៍ តាមរយៈកិច្ចសហប្រតិបត្តិការ និងបច្ចេកវិទ្យា” គឺជាឱកាសសម្រាប់កងទ័ពជើងទឹកនៃប្រទេសនានាក្នុងតំបន់អាស៊ាន និងជុំវិញពិភពលោក ចែករំលែកបទពិសោធន៍ ដើម្បីលើកកម្ពស់តួនាទីរបស់កងទ័ពជើងទឹកក្នុងកិច្ចខិតខំប្រឹងប្រែងគ្រប់គ្រងសន្តិសុខ និងសុវត្ថិភាពនាវាចរណ៍; ឆ្លើយតបទៅនឹងគ្រោះមហន្តរាយធម្មជាតិ។ល។

តំណាងកងទ័ពជើងទឹកនៃប្រទេសនានា

បន្ទាប់ពីសិក្ខាសាលា លោកឧត្តមនាវីត្រី Pham Van Hung និងលោកវរសេនីយ៍ឯក Nguyen Tuan Duc អនុព័ន្ធយោធាវៀតណាមប្រចាំឥណ្ឌូនេស៊ី បានទៅទស្សនា ត្រួតពិនិត្យ និងលើកទឹកចិត្តដល់កម្មាភិបាល និងនាវិកនៃកប៉ាល់លេខ ០៩ និងគណៈប្រតិភូកងទ័ពជើងទឹកប្រជាជនវៀតណាមនៅកំពង់ផែ Benoa កោះបាលី។ លោកឧត្តមនាវីត្រី Pham Van Hung បានអបអរសាទរចំពោះគណៈប្រតិភូ និងកម្មាភិបាល នាវិកនៃនាវាលេខ ០៩ ដែលបានធ្វើដំណើរជាង ១៥០០ ម៉ាយលើសមុទ្រ ប្រកបដោយសុវត្ថិភាព ដើម្បីចូលរួមក្នុងលំហាត់សមយុទ្ធ Komodo ២០២៥; លោកឧត្តមនាវីត្រី Pham Van Hung លើកទឹកចិត្តគណៈប្រតិភូបន្តសាមគ្គី និងជំនះពុះពាររាល់ការលំបាក ដើម្បីបញ្ចប់ដោយជោគជ័យនូវខ្លឹមសារលំហាត់ដែលបានលើកឡើង ដោយហេតុនេះបន្តអះអាងនូវកិត្យានុភាពរបស់កងទ័ពជើងទឹកប្រជាជនវៀតណាមលើឆាកអន្តរជាតិ។

លោកឧត្តមនាវីត្រី Pham Van Hung និងអនុព័ន្ធយោធាវៀតណាមប្រចាំឥណ្ឌូនេស៊ី លើកទឹកចិត្តកម្មាភិបាល និងនាវិកនៃនាវាលេខ ០៩

នាថ្ងៃទី ១៧ ខែកុម្ភៈ កម្មាភិបាល និងនាវិកនៃកនាវាលេខ ០៩ បានចូលរួមសកម្មភាពនៅខាងក្រៅ ដូចជា៖ ទស្សនាការតាំងពិព័រណ៍នាវាចរណ៍ កម្មវិធីផ្លាស់ប្តូរតន្ត្រី និងសកម្មភាពកីឡានៅលើកោះបាលី។ល៕

បកប្រែដោយ Huyen Trang