សកម្មភាពជួបប្រាស្រ័យមិត្តភាពការពារជាតិព្រំដែនវៀតណាម-ឡាវលើកទី២ នៅខេត្ត Houaphanh ប្រទេសឡាវ

គណៈប្រតិភូវៀតណាមដឹកនាំដោយលោក​នាយឧត្តមសេនីយ៍ Phan Van Giang សមាជិកការិយាល័យនយោបាយ លេខារងគណៈកម្មាធិការបក្សយោ​ធាមជ្ឈិម រដ្ឋមន្ត្រីក្រសួងការពារប្រទេស​វៀត​ណាម​។ ពិធីទទួលបដិសណ្ឋារកិច្ចបានធ្វើឡើងយ៉ាងឱឡារិកក្រោមអធិបតីភាព លោក​នាយឧត្តមសេនីយ៍ Chansamone Chanyalath សមាជិកការិយាល័យនយោបាយនៃបក្សប្រជាជនបដិវត្តន៍ឡាវ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិឡាវ។

លោកនាយឧត្តមសេនីយ៍ Chansamone Chanyalath ទទួលស្វាគមន៍លោកនាយឧត្តមសេនីយ៍ Phan Van Giang

លោកនាយឧត្តមសេនីយ៍ Chansamone Chanyalath ជូនផ្កាដល់លោកនាយឧត្តមសេនីយ៍ Phan Van Giang

លោកនាយឧត្តមសេនីយ៍ Phan Van Giang លោកនាយឧត្តមសេនីយ៍ Chansamone Chanyalath រួមជាមួយគណៈប្រតិភូ និងប្រជាជននៃប្រទេសទាំងពីរបានចូលរួមជំនួបប្រាស្រ័យ

ជំនួបប្រាស្រ័យមិត្តភាពការពារជាតិព្រំដែនវៀតណាម-ឡាវលើកទី២ បានប្រព្រឹត្តទៅចាប់ពីថ្ងៃទី២២ ដល់ថ្ងៃទី២៣ ខែតុលា នៅស្រុក Moc Chau (ខេត្ត Son La) និងស្រុក Sop Bao (ខេត្ត Houaphanh)។

កាលពីម្សិលមិញ (ថ្ងៃទី ២២ ខែតុលា) គណៈប្រតិភូនៃប្រទេសទាំងពីរបានចូលរួមសកម្មភាពដ៏មានអត្ថន័យជាច្រើននៅស្រុក Moc Chau (ខេត្ត Son La) ក្នុងក្របខ័ណ្ឌនៃជំនួបប្រាស្រ័យ រួមមាន៖ ការដាំដើមឈើមិត្តភាពនៅច្រកទ្វារព្រំដែន Long Sap; ទស្សនាសមយុទ្ធរួមស្តីពីការបង្ក្រាបឧក្រិដ្ឋជនឆ្លងដែន; ទស្សនកិច្ចនៅប៉ុស្តិ៍ការពារព្រំដែននៃច្រកទ្វារព្រំដែន Long Sap; អញ្ជើញចូលរួមក្នុងពិធីសម្ពោធអគារសិក្សាថ្នាក់បឋមសិក្សា និងមធ្យមសិក្សា Long Sap; បានជួបពិភាក្សា និងចុះហត្ថលេខាលើឯកសារសហប្រតិបត្តិការ; ការផ្លាស់ប្តូរការងារនយោបាយ និងនាយទាហានវ័យក្មេងនៃប្រទេសទាំងពីរ វៀតណាម-ឡាវ។

បកប្រែដោយ Duy Hoan