នាវាក្តោង (សំពៅ) របស់កងទ័ពជើងទឹកចិនបំពេញទស្សនកិច្ចនៅខេត្ត Khanh Hoa

លោកវរសេនីយ៍ឯក Truong Dang Thuan ប្រធានការិយាល័យនៃបណ្ឌិតសភាកងទ័ពជើងទឹក បានអញ្ជើញជាអធិបតីក្នុងពិធីទទួលស្វាគមន៍គណៈប្រតិភូ។

ពិធីទទួលស្វាគមន៍នាវាបង្វឹកបង្ហាត់ Polang (លេខ៨៦) នៃកងទ័ពជើងទឹកចិន នៅកំពង់ផែអន្តរជាតិ Cam Ranh

ក្នុងដំណើរទស្សនកិច្ចនៅខេត្ត Khanh Hoa ចាប់ពីថ្ងៃទី ១០ ដល់ថ្ងៃទី ១៣ ខែកញ្ញា មេបញ្ជាការនាវាក្តោង (សំពៅ) បង្វឹកបង្ហាត់លេខ ៨៦ នឹងចូលជួបសម្តែងការគួរសមជាមួយថ្នាក់ដឹកនាំគណៈកម្មាធិការប្រជាជនខេត្ត Khanh Hoa បញ្ជាការដ្ឋានតំបន់លេខ ៤ កងទ័ពជើងទឹក និងបណ្ឌិតសភាកងទ័ពជើងទឹកវៀតណាម។ នាយទាហាន នាវិក និងសិក្ខាកាមនឹងចូលរួមការប្រកួតកីឡាមិត្តភាពជាមួយកម្មាភិបាល និងសិក្ខាកាមនៃបណ្ឌិតសភាកងទ័ពជើងទឹកវៀតណាម និងចូលរួមក្នុងសកម្មភាពផ្លាស់ប្តូរជំនាញមួយចំនួនជាមួយអង្គភាពមានសមត្ថកិច្ចរបស់ក្រសួងការពារប្រទេសវៀតណាម។

ដំណើរទស្សនកិច្ចនេះមានគោលបំណងពង្រឹងកិច្ចសហប្រតិបត្តិការ លើកកម្ពស់ការយល់ដឹង និងការជឿទុកចិត្តគ្នាទៅវិញទៅមករវាងកងទ័ពជើងទឹកទាំងពីរ ចូលរួមចំណែកជម្រុញឲ្យកិច្ចសហប្រតិបត្តិការលើវិស័យការពារជាតិវៀតណាម-ចិនកាន់តែស៊ីជម្រៅថែមទៀត៕

បកប្រែដោយ Thuy Anh