នាវាលេខ១៨ ទៅកាន់ប្រទេសអូស្ត្រាលី ត្រៀមចូលរួមក្នុងការសមយុទ្ធ Kakadu ឆ្នាំ២០២៤

ទទួលស្វាគមន៍នាវា និងក្រុមបេសកកម្មនៅកំពង់ផែ មានលោកឧត្តមនាវីត្រី Nguyen Viet Khanh នាយរងសេនាធិការនៃកងទ័ពជើងទឹកវៀតណាម តំណាងកងទ័ពជើងទឹកអូស្ត្រាលី និងតំណាងអាណិកជនវៀតណាម ដែលកំពុងរស់នៅ និងធ្វើការនៅទីក្រុង Darwin។

នាយទាហាន និងនាវិកនៃនាវាលេខ១៨ ទទួលស្វាគមន៍លោកឧត្តមនាវីត្រី Nguyen Viet Khanh និងតំណាងកងទ័ពជើងទឹកអូស្ត្រាលី មកទស្សនានាវា

បន្ទាប់ពីពិធីទទួលស្វាគមន៍ លោកឧត្តមនាវីត្រី Nguyen Viet Khanh រួមជាមួយតំណាងកងទ័ពជើងទឹកអូស្ត្រាលី និងតំណាងអាណិកជនវៀតណាម បានទៅសួរសុខទុក្ខ និងលើកទឹកចិត្តដល់នាយទាហាន និងនាវិកនៃនាវាលេខ១៨ និងក្រុមបេសកកម្ម។ លោកឧត្តមនាវីត្រី Nguyen Viet Khanh បានបញ្ជាក់ថា នាវាលេខ១៨ និងក្រុមបេសកកម្មធ្វើបានល្អក្នុងការត្រៀមរៀបចំដើម្បីចូលរួមសមយុទ្ធនេះ ស្របតាមខ្លឹមសារដែលបានចុះបញ្ជី។

សមយុទ្ធ Kakadu ឆ្នាំ២០២៤ បើកនៅថ្ងៃទី៩ ខែកញ្ញា។ បន្ទាប់ពីពិធីបើក នាយទាហាននាវាលេខ១៨ នឹងចូលរួមក្នុងសកម្មភាពនៅកំពង់ផែក្នុងក្របខ័ណ្ឌនៃសមយុទ្ធនេះ ដោយមានកិច្ចប្រជុំជាច្រើនដើម្បីអនុម័តផែនការចេញទៅសមុទ្រ ការថតរូបក្រុម និងការបញ្ជូនសារ ស្វែងរក និងជួយសង្គ្រោះ...។ ខណៈពេលដែលធ្វើសកម្មភាពនៅកំពង់ផែ សមាជិកនៃនាវាលេខ១៨ ក៏បានចូលរួមក្នុងការប្រកួតកីឡាមិត្តភាព ការផ្លាស់ប្តូរវប្បធម៌ និងពិធីជប់លៀងនៅលើនាវាផងដែរ៕

បកប្រែដោយ Thanh Cong