ត្រៀមរៀបចំសម្រាប់កម្មវិធីជួបប្រាស្រ័យនាយទាហានវ័យក្មេងនៃកងទ័ពការពារព្រំដែនវៀតណាម ជាមួយនាយទាហានវ័យក្មេងនៃកងទ័ពជើងគោក និងកងរាជអាវុធហត្ថ នៃព្រះរាជាណាចក្រកម្ពុជា

ក្រុមការងារបានចុះពិនិត្យកន្លែងដែលប្រព្រឹត្តទៅសកម្មភាពឃោសនាច្បាប់ និងជូនអំណោយដល់សិស្សានុសិស្ស នៅសាលប្រជុំគណៈកម្មាធិការបក្សស្រុក Ben Cau ខេត្ត Tay Ninh (រូបថត៖ bienphong.com.vn)

ក្រុមការងារនៃស្នងការដ្ឋាននយោបាយកងទ័ពការពារព្រំដែន និងបញ្ជាការដ្ឋានកងទ័ពការពារព្រំដែនខេត្ត Tay Ninh បានត្រួតពិនិត្យការងារការពារសន្តិសុខ សណ្តាប់ធ្នាប់ ការទទួលស្វាគមន៍ និងការរាយការណ៍ជូនប្រតិភូនៃប្រទេសទាំងពីរ ការត្រៀមរៀបចំសម្រាប់ការដាំដើមឈើអនុស្សាវរីយ៌រវាងប្រធានដឹកនាំគណៈប្រតិភូ និងសមាជិកគណៈប្រតិភូ នៃប្រទេសទាំងពីរនៅឯអាគារទទួលភ្ញៀវ (ឃុំ Loi Thuan ស្រុក Ben Cau ខេត្ត Tay Ninh) សកម្មភាពឃោសនាច្បាប់ និងផ្តល់អំណោយដល់សិស្សានុសិស្សនៅសាលប្រជុំគណៈកម្មាធិការបក្សស្រុក Ben Cau ខេត្ត Tay Ninh; កិច្ចពិភាក្សាផ្លាស់ប្តូរនៅសាលប្រជុំ Plantin (ជាន់ទី ២ សណ្ឋាគារ Sunrise ទីក្រុង Tay Ninh ខេត្ត Tay Ninh); កីឡាដ្ឋាននៃវិទ្យាល័យ Hoang Le Kha (ខេត្ត Tay Ninh)…

គណៈប្រតិភូបានចុះពិនិត្យកន្លែងដាំដើមឈើអនុស្សាវរីយ៌នៅអាគាទទួលភ្ញៀវ (ឃុំ Loi Thuan ស្រុក Ben Cau ខេត្ត Tay Ninh) (រូបថត៖ bienphong.com.vn)

ក្រោយការចុះត្រួតពិនិត្យ លោកវរសេនីយ៍ឯក Nguyen Thanh Hai បានវាយតំលៃខ្ពស់ចំពោះការងារត្រៀមរៀបចំរបស់កងទ័ពការពារព្រំដែន Tay Ninh។ លោកអនុប្រធានស្នងការនយោបាយនៃកងទ័ពការពារព្រំដែនបានស្នើឱ្យកងទ័ពការពារព្រំដែន Tay Ninh បន្តសម្របសម្រួលយ៉ាងជិតស្និទ្ធជាមួយអង្គភាពពាក់ព័ន្ធ ពិនិត្យយ៉ាងម៉ត់ចត់ និងល្អិតល្អន់នូវដំណាក់កាលនីមួយៗ ស្ថានភាពដែលកើតឡើង និងការលំបាក និងបញ្ហាប្រឈម ដើម្បីដោះស្រាយឱ្យបានទាន់ពេលវេលា។ ជំរុញឱ្យអង្គភាពមូលដ្ឋាន និងផ្នែកជំនាញនានា លើកកម្ពស់តួនាទី និងការទទួលខុសត្រូវរបស់ខ្លួន ដើម្បីរួមចំណែកដល់ជោគជ័យនៃកម្មវិធីជួបប្រាស្រ័យ។

កម្មវិធីជួបប្រាស្រ័យនាយទាហានវ័យក្មេងនៃកងទ័ពការពារព្រំដែនវៀតណាម - នាយទាហានវ័យក្មេងនៃកងទ័ពជើងគោក និងកងរាជអាវុធហត្ថ នៃព្រះរាជាណាចក្រកម្ពុជា លើកទី ២ ឆ្នាំ ២០២៤ នឹងប្រព្រឹត្តទៅចាប់ពីថ្ងៃទី ២៦ ដល់ថ្ងៃទី ២៨ ខែសីហា។

បកប្រែដោយ Duy Hoan