នាវាក្ដោងលេខ២៨៦ - Le Quy Don បញ្ចប់ដោយជោគជ័យនូវដំណើរទស្សនកិច្ច និងផ្លាស់ប្ដូរជាមួយកងទ័ពជើងទឹកឥណ្ឌូនេស៊ី និងប្រ៊ុយណេ
កប.អនឡាញ - នាព្រឹកថ្ងៃទី៦ ខែសីហា នាវាក្ដោងលេខ២៨៦ - Le Quy Don (បណ្ឌិតសភាកងទ័ពជើងទឹកវៀតណាម) និងក្រុមបេសកកម្មកងទ័ពជើងទឹកប្រជាជនវៀតណាម ដឹកនាំដោយលោកវរសេនីយ៍ឯក Nguyen Dinh Giang នាយករងនៃបណ្ឌិតសភាកងទ័ពជើងទឹកវៀតណាម បានមកដល់កំពង់ផែ Nha Trang វៀតណាម បញ្ចប់ប្រកបដោយជោគជ័យនូវដំណើរទស្សនកិច្ច និងផ្លាស់ប្ដូរជាមួយកងទ័ពជើងទឹកនៃប្រទេសឥណ្ឌូនេស៊ី និងប្រ៊ុយណេ ដោយរួមបញ្ចូលគ្នានូវការបង្វឹកបង្ហាត់អំពីការធ្វើដំណើរក្នុងរយៈចម្ងាយឆ្ងាយតាមផ្លូវសមុទ្រ។
នៅប្រទេសឥណ្ឌូនេស៊ី និងប្រ៊ុយណេ ក្រុមបេសកកម្មបានចូលជួបសម្តែងការគួរសមជាមួយថ្នាក់ដឹកនាំទីក្រុង Surabaya (ប្រទេសឥណ្ឌូនេស៊ី) ថ្នាក់ដឹកនាំជាន់ខ្ពស់នៃកងទ័ពជើងទឹកឥណ្ឌូនេស៊ី និងប្រ៊ុយណេ បំពេញទស្សនកិច្ចនៅស្ថានទូតវៀតណាមប្រចាំនៅប្រ៊ុយណេ ទទួលស្វាគមន៍ឯកអគ្គរដ្ឋទូតវៀតណាមប្រចាំនៅប្រ៊ុយណេ និងគណៈប្រតិភូកងទ័ពជើងទឹកប្រ៊ុយណេ និងឥណ្ឌូនេស៊ី ឡើងទស្សនានាវា រៀបចំពិធីជប់លៀងនៅលើនាវា ចូលរួមការប្រកួតកីឡាមិត្តភាព។
    |
 |
|
កម្មាភិបាលនៃបណ្ឌិតសភាកងទ័ពជើងទឹក ជូនផ្កាដល់ក្រុមបេសកកម្ម |
ដំណើរទស្សនកិច្ច និងផ្លាស់ប្តូររបស់ក្រុមបេសកកម្មបានបន្សល់ទុកមកនូវចំណាប់អារម្មណ៍ល្អ ចូលរួមចំណែកពង្រឹងទំនាក់ទំនងមិត្តភាព កិច្ចសហប្រតិបត្តិការ ការយល់ដឹង និងការជឿទុកចិត្តគ្នាទៅវិញទៅមករវាងកងទ័ពប្រជាជនវៀតណាម កងទ័ពជើងទឹកប្រជាជនវៀតណាម ជាមួយកងទ័ព និងកងទ័ពជើងទឹកឥណ្ឌូនេស៊ី និងប្រ៊ុយណេ។
ក្នុងអំឡុងពេលធ្វើដំណើរជិត ៣,០០០ ម៉ាយល៍ សិក្ខាកាមដែលសិក្សានៅឆ្នាំចុងក្រោយ (វគ្គទី ៦៥) នៃបណ្ឌិតសភាកងទ័ពជើងទឹកបានបញ្ចប់ ១០០% នៃខ្លឹមសារ និងកម្មវិធីបង្វឹកបង្ហាត់ ហើយធានាសុវត្ថិភាពជាដាច់ខាត។
នៅចុងបញ្ចប់នៃដំណើរទស្សនកិច្ច បណ្ឌិតសភាកងទ័ពជើងទឹកបានផ្តល់ប័ណ្ណសរសើរដល់ក្រុមចំនួន២ និងបុគ្គលចំនួន ១៨ នាក់សម្រាប់ការបំពេញដោយជោគជ័យនូវភារកិច្ចរបស់ខ្លួន៕
បកប្រែដោយ Thuy Anh