នាវាក្ដោងលេខ២៨៦ - Le Quy Don បញ្ចប់ដោយជោគជ័យនូវដំណើរទស្សនកិច្ចនៅប្រ៊ុយណេ

ក្នុងអំឡុងពេលស្នាក់នៅប្រទេសប្រ៊ុយណេ ក្រុមបេសកកម្មនៃនាវាក្ដោងលេខ២៨៦ - Le Quy Don បានចូលជួបសម្តែងការគួរសមជាមួយថ្នាក់ដឹកនាំ ចូលរួមការប្រកួតបាល់ទាត់ និងបាល់ទះជាមួយសិក្ខាកាមនៃកងទ័ពជើងទឹកប្រ៊ុយណេ ទៅទស្សនាស្ថានទូតវៀតណាមប្រចាំនៅប្រ៊ុយណេ រៀបចំពិធីជប់លៀង ទស្សនារមណីយដ្ឋាន។

លោកវរសេនីយ៍ឯក Nguyen Dinh Giang និងប្រតិភូនៃភាគីទាំងពីរថតរូបទុកជាអនុស្សាវរីយ៍

ជាមួយនឹងសកម្មភាពជាច្រើន ដំណើរទស្សនកិច្ច និងផ្លាស់ប្តូរនៃក្រុមបេសកកម្មកងទ័ពជើងទឹកប្រជាជនវៀតណាមបានបន្សល់ទុកនូវចំណាប់អារម្មណ៍ល្អចំពោះកងទ័ពជើងទឹកប្រ៊ុយណេ។ ដំណើរទស្សនកិច្ច និងផ្លាស់ប្តូរលើកនេះ បានរួមចំណែកក្នុងការពង្រឹង និងពង្រីកទំនាក់ទំនងមិត្តភាព និងកិច្ចសហប្រតិបត្តិការជាក់ស្តែងរវាងកងទ័ពប្រជាជនវៀតណាម កងទ័ពជើងទឹកប្រជាជនវៀតណាម ជាមួយកងទ័ព និងកងទ័ពជើងទឹកប្រ៊ុយណេ៕

បកប្រែដោយ Thuy Anh