ជំរុញកិច្ចសហប្រតិបត្តិការលើវិស័យការពារជាតិ វៀតណាម-ឥណ្ឌា និងវៀតណាម-ហ្វីលីពីន ឱ្យកាន់តែស៊ីជម្រៅថែមទៀត
កប.អនឡាញ - នាព្រឹកថ្ងៃទី ២១ មិថុនា នៅទីស្នាក់ការក្រសួងការពារប្រទេស លោកឧត្តមសេនីយ៍ឯក Hoang Xuan Chien សមាជិកគណៈកម្មាធិការមជ្ឈិមបក្ស អនុរដ្ឋមន្ត្រីក្រសួងការពារប្រទេសវៀតណាម បានទទួលជួបលោកវរសេនីយ៍ឯក Dheeraj Kotwal អនុព័ន្ធយោធាឥណ្ឌាប្រចាំនៅវៀតណាម។
នៅក្នុងជំនួបនេះ លោកឧត្តមសេនីយ៍ឯក Hoang Xuan Chien បានវាយតំលៃខ្ពស់ចំពោះលទ្ធផលនៃកិច្ចសហប្រតិបត្តិការលើវិស័យការពារជាតិវៀតណាម-ឥណ្ឌា នាពេលថ្មីៗនេះ ក្នុងវិស័យ៖ ការផ្លាស់ប្តូរគណៈប្រតិភូ ជាពិសេសគណៈប្រតិភូថ្នាក់ជាន់ខ្ពស់; អនុវត្តកិច្ចសហប្រតិបត្តិការ និងយន្តការពិគ្រោះយោបល់តាមកាលកំណត់ប្រកបដោយប្រសិទ្ធភាព; ហ្វឹកហាត់ បណ្តុះបណ្តាល។ល។
នាពេលខាងមុខ លោកឧត្តមសេនីយ៍ឯក Hoang Xuan Chien បានស្នើឲ្យអនុព័ន្ធយោធាឥណ្ឌាបន្តសម្របសម្រួលយ៉ាងជិតស្និទ្ធជាមួយនាយកដ្ឋានទាក់ទងបរទេស ក្រសួងការពារប្រទេសវៀតណាម និងស្ថាប័ន អង្គភាពពាក់ព័ន្ធនានារបស់ឥណ្ឌា ដើម្បីអនុវត្តសកម្មភាពសហប្រតិបត្តិការក្នុងរយៈពេល ៦ ខែចុងឆ្នាំ២០២៤ ដោយផ្តោតលើ៖ កិច្ចសន្ទនាគោលនយោបាយការពារជាតិថ្នាក់អនុរដ្ឋមន្ត្រី; សមយុទ្ធរួមលើកទី៥ ស្តីពីការរក្សាសន្តិភាពរបស់អង្គការសហប្រជាជាតិ នៅប្រទេសឥណ្ឌា; អនុវត្តកិច្ចសហប្រតិបត្តិការប្រកបដោយប្រសិទ្ធភាពក្នុងការបណ្តុះបណ្តាលធនធានមនុស្ស។ល។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/06/22/upload_2117/101.jpg?dpi=150&quality=100&w=500) |
លោកឧត្តមសេនីយ៍ឯក Hoang Xuan Chien ជួបពិភាក្សាជាមួយលោកវរសេនីយ៍ឯក Dheeraj Kotwal អនុព័ន្ធយោធាឥណ្ឌាប្រចាំនៅវៀតណាម |
លោកឧត្តមសេនីយ៍ឯក Hoang Xuan Chien បានស្នើឲ្យ លោកវរសេនីយ៍ឯក Dheeraj Kotwal នឹងបន្តសហការយ៉ាងជិតស្និទ្ធ និងជំរុញខ្លឹមសារនៃកិច្ចសហប្រតិបត្តិការលើវិស័យការពារជាតិរវាងភាគីទាំងពីរឱ្យកាន់តែស៊ីជម្រៅ ជាក់ស្តែង និងប្រកបដោយប្រសិទ្ធភាព សក្តិសមនឹងតម្រូវការរបស់ភាគីទាំងពីរ។
លោកវរសេនីយ៍ឯក Dheeraj Kotwal បានឯកភាពជាមួយមតិរបស់លោកឧត្តមសេនីយ៍ឯក Hoang Xuan Chien។ លោកបានឲ្យដឹងថា លោកនឹងរាយការណ៍ជូនថ្នាក់ដឹកនាំក្រសួងការពារជាតិឥណ្ឌា ព្រមទាំងពិភាក្សាយ៉ាងសកម្ម និងឯកភាពគ្នា ដើម្បីសម្រេចបាននូវគោលដៅនៃកិច្ចសហប្រតិបត្តិការនាពេលខាងមុខ។
* នាព្រឹកថ្ងៃដដែល លោកឧត្តមសេនីយ៍ឯក Hoang Xuan Chien បានទទួលជួបលោកវរសេនីយ៍ឯក Ulysses S.Mancao អនុព័ន្ធយោធាហ្វីលីពីនប្រចាំនៅវៀតណាម។
លោកឧត្តមសេនីយ៍ឯក Hoang Xuan Chien បានទទួលស្គាល់លទ្ធផលនៃកិច្ចសហប្រតិបត្តិការលើវិស័យការពារជាតិទ្វេភាគីរវាងវៀតណាម និងហ្វីលីពីន នាពេលថ្មីៗនេះ ជាពិសេសលើវិស័យ៖ ការផ្លាស់ប្តូរគណៈប្រតិភូ; ការជួបប្រាស្រ័យនាយទាហានវ័យក្មេង; ការរក្សាយន្តការពិគ្រោះយោបល់ និងកិច្ចសន្ទនា; កិច្ចសហប្រតិបត្តិការរវាងកងទ័ពជើងទឹក កងទ័ពជើងអាកាស និងកងឆ្មាំសមុទ្ររបស់ប្រទេសទាំងពីរ។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/06/22/upload_2117/102.jpg?dpi=150&quality=100&w=500) |
លោកឧត្តមសេនីយ៍ឯក Hoang Xuan Chien ជួបពិភាក្សាជាមួយលោកវរសេនីយ៍ឯក Ulysses S.Mancao អនុព័ន្ធយោធាហ្វីលីពីនប្រចាំនៅវៀតណាម |
លោកឧត្តមសេនីយ៍ឯក Hoang Xuan Chien បានស្នើឱ្យលោកវរសេនីយ៍ឯក Ulysses S.Mancao បន្តសម្របសម្រួលយ៉ាងជិតស្និទ្ធជាមួយនាយកដ្ឋានទាក់ទងបរទេស ក្រសួងការពារប្រទេសវៀតណាម និងស្ថាប័ន អង្គភាពពាក់ព័ន្ធនានារបស់ហ្វីលីពីន ដើម្បីអនុវត្តសកម្មភាពសហប្រតិបត្តិការប្រកបដោយប្រសិទ្ធភាពក្នុងរយៈពេល ៦ ខែចុងឆ្នាំ ២០២៤។
លោកវរសេនីយ៍ឯក Ulysses S.Mancao បានបញ្ជាក់ថា លោកនឹងសម្របសម្រួលយ៉ាងជិតស្និទ្ធជាមួយស្ថាប័ននានានៃក្រសួងការពារជាតិរបស់ប្រទេសទាំងពីរ អនុវត្តខ្លឹមសារនៃកិច្ចសហប្រតិបត្តិការស្របតាមផែនការឆ្នាំ២០២៤ និងការតម្រង់ទិសរបស់ថ្នាក់ដឹកនាំក្រសួងការពារជាតិនៃប្រទេសទាំងពីរ៕
បកប្រែដោយ Huyen Trang