នាវាលេខ២០ ចូលចតនៅកំពង់ផែ Lumut ចាប់ផ្តើមដំណើរទស្សនកិច្ចមិត្តភាពនៅប្រទេសម៉ាឡេស៊ី

ថ្នាក់ដឹកនាំនៃកងនាវាចម្បាំងភាគខាងលិច កងទ័ពជើងទឹកម៉ាឡេស៊ី ទទួលស្វាគមន៍ក្រុមបេសកកម្ម

នេះជាលើកទី៦ ដែលនាវាកងទ័ពជើងទឹកវៀតណាមបំពេញទស្សនកិច្ចនៅម៉ាឡេស៊ី។ នាខែឧសភា ឆ្នាំ២០២៣ នាវាលេខ២០ បានមកដល់ទីក្រុង Langkawi ប្រទេសម៉ាឡេស៊ី ដើម្បីចូលរួមការតាំងពិព័រណ៍នាវាចរណ៍ និងលំហអាកាសអន្តរជាតិ Langkawi (LIMA) ឆ្នាំ២០២៣។

នាយទាហាន និងនាវិកនៃកងទ័ពជើងទឹករបស់ប្រទេសទាំងពីរនៅកំពង់ផែ Lumut

ដំណើរទស្សនកិច្ចលើកនេះរបស់នាវាលេខ២០ ក្នុងគោលបំណងជំរុញសកម្មភាពផ្លាស់ប្តូរមិត្តភាព បង្កើនកិច្ចសហប្រតិបត្តិការ លើកកម្ពស់ការយល់ដឹង និងការជឿទុកចិត្តគ្នាទៅវិញទៅមករវាងនាយទាហាន និងនាវិកនៃកងទ័ពជើងទឹកប្រជាជនវៀតណាម និងកងទ័ពជើងទឹកម៉ាឡេស៊ី។ ក្នុងក្របខ័ណ្ឌនៃដំណើរទស្សនកិច្ចនេះ នាវាលេខ២០ និងក្រុមបេសកកម្មនឹងចូលជួបសម្តែងការគួរសមជាមួយថ្នាក់ដឹកនាំនៃកងនាវាចម្បាំងភាគខាងលិច កងទ័ពជើងទឹកម៉ាឡេស៊ី ចូលរួមការប្រកួរកីឡាមិត្តភាព និងការផ្លាស់ប្តូរវប្បធម៌ ទស្សនាកេរ្ដិ៍ដំណែលវប្បធម៌ ប្រវត្តិសាស្ត្រនៅមូលដ្ឋាន។

នៅព្រឹកថ្ងៃទី៨ ខែកុម្ភៈ កិច្ចពិភាក្សារវាងនាយទាហាននៃភាគីទាំងពីរ បានប្រព្រឹត្តទៅនៅលើនាវាលេខ២០៕

បកប្រែដោយ Thuy Anh